..:Hjálmar:..

2003-07-21T08:54:00.000-07:00

Já halló

Jæja nú er bara vika síðan að ég skrifaði síðast og það er nú ekki nógu gott. Það sem er helst í fréttum er nú ekki svo margt en það hefur þó ýmislegt gerst síðan ég skrifaði síðan. Byrjum á fótboltanum allavega þar sem við gerðum góða ferð til Stokkhólms og sigruðum 2-0 og hefndum við okkur því við töpuðum einmitt með sömu tölum hér á heimavellli ekki alls fyrir löngu. Gríðarlega mikilvægur sigur og nú var kallinn í liðinu og spilaði vinstri bak og stóð sig bara ágætlega. Nú er bara að vona að þjálfarinn sjái það að eigi að vera þarna en ekki upp í stúku og á bekknum !!! Eftir leikinn var að venju "stríð" á milli stuðningsmanna okkar og AIK þar sem þeir stilltu sér upp beggja vegna götunnar og töldu upp að þremur og svo krass, bang, búmm !!! Minnir helst á hóp af brjáluðum nautum sem vita ekkert hvað þau eiga að gera. Við fengum svo lögreglufylgd út úr borginni og það voru ófáar löngutangirnar sem við fengum að sjá þegar við keyrðum út úr borginni. Við vorum sem sagt ekki vinsælustu mennirnir þetta kvöldið hjá Stokkhólmurunum en vinsælli af okkar stuðningsmönnum að sjálfsögðu.
Um helgina var svo farið í svona mini-keppnisferð ekki langt hér frá þar sem við spiluðum einn leik og æfðum nokkrum sinnum ásamt öðrum uppákomum sem var svona fínt barasta þar sem fjölskyldur leikmanna voru með í för. Fórum í einhverja bátsferð þar sem mönnum gafst tækifæri á að hoppa í hafið og kæla sig aðeins, borðum ferskar rækjur sem við pilluðum sjálfir og það hef ég aldrei gert áður en ég vorkenni fólki virkilega sem vinnur við það að pilla rækjur. Ef þetta væri ekki svona gott hefði ég aldrei nennt þessu !!! Tveir félagar mínir fengu einnig þá skemmtilegu hugmynd að hoppa frá einni brúnni sem var nálægt hótelinu og hæðin var 14 metrar og það var ógeðslega fyndið að sjá þá í loftinu spriklandi eins og laxar. Ég tók því miður ekki þátt í leiknum því ég hef verið með kvef í þessum mikla hita og það er alveg furðulegt því þá á maður bara ekki að fá kvef !! En ég æfði í dag og var allt í lagi þannig að maður verður fit for fight í næsta leik vonandi sem er á fimmtudag.
Svona var nú þessi vikan með góðu veðri, mikilli sól, kvefi, brjáluðum stuðningsmönnum, góðum sigri og fínum mat.

Þangað til næst hafið það gott.

2003-07-14T14:55:00.000-07:00

Jamm og jæja !!

Hef fengið góðar viðtökur frá manninum sem ég tók viðtalið við og virðist hann bara nokkuð sáttur með þetta. Spurning hvort ég taki ekki viðtal við fleiri ?? Sem er já bara hið besta mál. Hér hefur ekki mikið gerst síðan ég skrifaði síðast. Fríið ógurlega sem voru fjórir dagar endaði á laugardaginn og hefur verið æft stíft síðan.
Gríðarlegur hiti hefur hafið innrás sína í landið og það var nú kominn tími til segi ég nú bara. Hér hefur verið óttarlega "leiðinlegt" veður það sem af er sumri, svona 18-22 gráður og skýjað og rigning. En nú hefur dæmið heldur betur snúist við og í dag var 30 stiga hiti og sól og það á víst að vera svona vikuna út og stóra spurningin er hvort maður eigi ekki eftir að bráðna hér. En ég kvarta að sjálfsögðu ekki og fer því hálfnakinn og sóla mig og sting mér í hafið og drepst að sjálfsögðu úr kulda þar ;) Við fórum nokkrir út við hafið og böðuðum okkur eins og svíar segja það. Íslendingurinn ætlaði heldur betur að sýna að hann væri engin skræfa enda vanur ísköldu vatni og allskonar veðráttu. Það tók ekki langan tíma áður en ég stakk mér í hafið og þvílíkur helvítis andskotans kuldi maður, var ekki lengi að synda í land aftur og láta sólina þurka mig ;) Í annað skiptið ætlaði ég nú að vera aðeins lengur útí en þegar ég ætlaði svona bara labba rólega útí þá gerðist náttúrulega það að ég rann á slorinu á steinunum og datt beint á rassgatið út í með miklum skell og viðstaddir sem sáu þetta sem voru svona 100 manns náttúrulega orguðu úr hlátri og byrjuðu að benda á mig eins og ég væri algjör aumingi. (þetta leit náttúrulega hrikalega aumingjalega út og ekkert skrýtið að menn hafi hlegið af mér) Ég hefði sennilega migið í mig úr hlátri ef þetta hefði komið fyrir einhvern annan ;)
Núna situr maður bara nettbrenndur og ber á sig after sun kremið vinsæla svo maður geti haldið áfram að sóla sig á morgun ;)

P.s hafið það gott í norðanáttinni þarna fyrir austan og vonandi hugið þið með "hlýjum" hug til mín því ég hugsa með "hlýjum" hug til ykkar brrrrrrrrrrrrrr.

2003-07-10T14:14:00.000-07:00

Góðan dag eða kvöld eða nótt

Ég sendi félaga mínum honum Gummó nokkrar spurningar með pósti og hér koma svör hans við þeim hér fyrir neðan.

Nú hefur þú oft verið kosinn kynþokkafyllsti karlmaður landsins hvernig höndlaru þá gífurlegu pressu ?? Er þetta ekki soldið pirrandi að vinna þetta svona ár eftir ár ??

Jú andskotinn hafi það maður þetta er alveg ótrúlegt helvíti maður er bara ekki látinn í friði og það eru ekki bara stelpurnar get ég sagt þér !! Það er svo sem ekkert mál að höndla pressuna en þegar maður er að fá blóm og nærbrækur og sona send heim til sín þá er þetta nú einum of mikið sko.

Nú hefur þú verið talinn mjög hress og skemmtilegur maður. Hvert er leyndarmálið eiginlega, hvað gerir maður til að vera svona skemmtilegur ??

Ja ég veit það eiginlega ekki. Ég hangi oft heima bara og er á netinu og fer mjög sjaldan út að skemmta mér og svo hef ég eignast marga og skemmtilega vini í gegnum frímerkjasöfnunina sem hefur gefið mér mikið gildi. Ég vil helst bara vera einn og sona fara í göngutúra æ ég veit eiginlega ekki.

Nú hefur golfið og fótboltinn átt hug þinn allan síðan já eiginlega þú fæddist en aðallega fótboltinn hvað kom til ??

Nei þetta er hinn mesti misskilningur !!! Mér hefur alltaf fundist fótboltinn hundleiðinlegur og ég byrjaði bara í honum þegar ég sá að ég átti mér enga framtíð í skákinni. Það var bara of erfitt að hugsa sona mikið þannig að ég ákvað að fara í eitthvað sem var ekki alveg sona erfitt. Ég er ekki að segja að ég sé heimskur en bara þú veist hvernig þetta er með skákina. Ég lærði aldrei manngangin almennilega og svo gleymdi alltaf að slá á klukkuna þegar ég var búinn að gera og féll því alltaf á tíma og tapaði. Golfið var bara svo skemmtilegt vegna þess að við félagarnir tókum alltaf bjór með okkur og spiluðum alltaf síðustu holuna naktir en ég get ekkert í golfi samt.

Nú hefur þú haldið eitt og annað partýið í gegnum tíðina þrátt fyrir að eiga ekki marga vini. Eru þetta róleg partý með frímerkjafélögunum eða einhverjum öðrum þá ???

Einhverra hluta vegna þá fara þessi partý út í algjört rugl ég veit ekki af hverju en mörg þeirra hafa verið algjör steypa. Oftast býð ég bara frímerkjafélögum mínum í partý en svo koma þessir brjálðu fótboltafélagar mínir og eyðileggja allt þannig að frímerkjafélagar mínir fara bara. Þetta er bara alveg óþolandi !!!!

Nú hefur þú búið á nokkrum stöðum á lífsleiðinni. Hver þeirra hefur haft mest áhrif á líf þitt hingað til ??

Ég myndi segja Egilsstaðir og Hafnarfjörður sennilega því þar var einn maður sem ég kynntist sem bara ruddist inn í líf mitt alveg hundleiðinlegur andskoti sem kom alltaf og horfði á fótbolta heima hjá mér og drakk bjór eins og andskotinn sjálfur. Þegar þetta var að verða of mikið þá bara fékk ég bara ógeð af honum og flutti til Hafnarfjarðar. En viti menn þá flytur þessi andskoti til Keflavíkur og kemst að því hvar ég bý í Hafnarfirði og er því aftur kominn inn í líf mitt og í þetta skipti varð það ennþá verra. Hann leiddi mig í ýmsar ógöngur sem ég hefði annars ekki lennt í hefði þessi maður ekki ruðst inn í líf mitt. Þess vegna eru þetta áhrifamestu staðir í mínu lífi í neikvæðri merkingu !!!

Hér koma svo stuttar spurningar þar sem valið er á milli tveggja hluta.

Bjór eða Brennivín ? Bæði en þó aðallega bjór
Fótbolti eða Golf ? Bæði en bara golf þegar við spilum naktir og með bjór
Egilsstaðir eða Hafnarfjörður ? Bæði jafn slæmt vegna truflunar í lífi mínu af algjörum fávita
1,25 kg lóð eða Thule í frystinum ? Bæði því það er jafn fyndið og sérstaklega þegar Rabbi fékk lóðið í andlitið í staðinn fyrir Thule
Brotinn eða óbrotinn gítar ? Brotinn því það er miklu fyndari saga !!!
Klósettpappír eða raksápa ? Hvorugt því það er alveg jafn erfitt að þrífa upp eftir hálfvita
Þunnur eða þreyttur ? Þunnur því maður verður ekki bara þreyttur eftir fyllerí :)

Ég vil þakka honum frábæra félaga mínum fyrir þetta viðtal sem hann átti að sjálfsögðu engan þátt í en vonum að hann verði ekki svekktur með þetta sem ég held að hann verði ekki. Þetta er ekki allt uppspuni frá rótum og það er einhver sannleikur í þessu og þeir sem þekkja hann vita hvað er satt og ekki. En það mesta er þó uppspuni.

Gummó er kóngurinn !!!!

2003-07-09T13:58:00.000-07:00

Já hæ

Jæja við töpuðum á mánudaginn fyrir AIK 2-0 og það var bara mjög slæmt í alla staði. Ég spilaði ekkert og fékk meira að segja sitja á rassgatinu upp í stúku sem 17 maður !! Get ekki annað en lýst furðu minni með þessa ákvörðun þjálfarans. Í þeim fjórum leikjum sem ég spilaði unnum við 3 og eitt jafntefli og fengum á okkur eitt mark. Er samt ekki að segja að það sé mér að þakka en einhvern þátt hef ég átt í þessum úrslitum en það hefur greinilega ekki verið nóg og ég ekki náð að sannfæra þjálfarann. Maðurinn sem tók mína stöðu var svo rekinn útaf. Spennandi að sjá hvort maður fær tækifæri í næsta leik !!??

Annars erum við í smá fríi núna og það eru heilir 4 dagar og maður er bara að taka því rólega og reyna að hugsa ekki um fótbolta sem er reyndar frekar erfitt. Þannig að nú fer maður bara og sólar sig aðeins og reynir að fá smá brúnku í kroppinn og tekur með sér bók eða eitthvað og slappar af.

Kef tók Njarðvík sannfærandi 5-2 í derbyinu og í hinu derbyinu á Seyðis tapaði Höttur fyrir Huginn sem er mjög dapurt. Sáttur við að Kewelinn ætli að ganga til liðs við Liverpool ;)

Eftir að hinni geysivinsælu holu Orminum var lokað hafa menn heldur betur tekið við sér á Héraðinu og nú opnar bara bar næstum því í hverri viku. Spurning hvernig þetta endar allt saman. Skál !!!

Meira hef ég ekki að segja að sinni eiginlega. Hafið þið það gott.

2003-07-06T14:57:00.000-07:00

Já hæ

Ekki hefur nú gerst neitt merkilegt síðan ég skrifaði síðast. Það hefur bara verið æft og svo ekki gert neitt af viti þar á milli. Leikur á morgun við AIK og það verður eflaust hörkuleikur þar sem við ætlum að sjálfsögðu að vinna. Var reyndar að koma af hinni ÓTRÚLEGU mynd Charlies Angels og hún fær nú ekki mörg rassgöt en það var samt nóg af þeim í þessari mynd. Hér með ætla ég að lýsa því yfir að Cameron Diaz er með fallegasta afturenda sem ég hef séð. (mamma ef þú lest þetta þá vona ég að þú sért ekki hneyksluð ;) En allavega þá fær hún (Cameron Diaz) fimm afturenda af fimm mögulegum.
Mínir menn í Hetti gerðu góða ferð á Djúpavog og sigruðu 5-0 og vonandi að þeir svífi nú ekki á einhverjum skýjum eftir það því það er nóg af leikjum eftir og hörð barátta. Þeir eru búnir að fá þrjá "Bauna" plús "gamlan" Sólvallamann Hafþór Atla að nafni og þetta styrkir þá eflaust.
Keflvíkingar eru þessa stundina að spila við Njarðvík í derby leiknum og ég held að Keflavík sé að vinna og það er nú eins gott fyrir þá.
Annars er það nú eiginlega ekki meira að sinni en eftir leikinn eigum við heila fjóra daga í frí og ég hef ákveðið að eyða þeim hér í Svíþjóð þar sem þetta er of stuttur tími til að koma heim, sorry my friends.
Þangað til næst hej do

P.s endilega kommentið þið mitt álit á afturenda valinu og komið með betri uppástungur ef þið hafið þær þá !!

2003-07-01T04:32:00.000-07:00

Já sælt veri fólkið

Í gær vannst mikilvægur sigur gegn botnliði deildarinnar Enköping á útivelli. Við unnum 1-0 og við skríðum aðeins upp töfluna með þessum sigri. Þetta var nú engin stórleikur af okkar hálfu en við áttum þó miklu hættulegri færi en þeir þó svo að spilið hjá okkur væri ekki upp á marga fiska. Mikið af meiðslum er í herbúðum okkar og það er slæmt en það mikilvægasta er að þeir sem koma inn standa sig með miklum sóma og við berjumst hver fyrir annan og það er mikill styrkur að mínu mati. Ég var svona lala í fyrri hálfleik en tók mig á í þeim síðari og var svooooo nálægt því að skora þegar ég skaut í stöngina og út en maður skorar bara þegar á því þarf að halda ;) djöfulinn samt !!!
Næsti leikur er gegn AIK á heimavelli og það verður hörkuleikur vægast sagt. Við höfum fengið tvo leikmenn til viðbótar í leikmannahópinn og þeir eru orðnir löglegir fyrir næsta leik. Nú er bara að taka þessa Stokkhólmara og flengja þá og þá erum við á góðri siglingu.
Höttur á svo leik við Neista í kvöld og vonandi gera þeir góða ferð niður á Djúpavog og sigra þar. Með liði Neista spila minn æskuvinur hinum megin við götuna hann Sindri sem stendur í búrinu, Ingi frændi og minn frábæri vinur Gummó sem þó hefur ekki spilað enn vegna þrálátra meiðsla en það þýðir þó ekki að ég haldi með þeim því ég held að SJÁLFSÖGÐU með mínum ástkæra móðurklúbb !!

Þangað til næst skjótum við ekki í stöngina heldur í markið ;)

2003-06-28T09:57:00.000-07:00

Mr Andersson

Já ég veit að það eru allir löngu búnir að sjá Matrix Reloaded en loksins drullaðist ég nú á þessa mynd í gærkvöldi með félaga mínum í liðinu. Þetta er flott mynd en maður verður stundum bara óþolinmóður þegar þeir eru að babla eitthvað um hvernig þetta er og varð allt saman til og bla bla bla. Ég vildi bara sjá fólk berjast og slást því bardagasenurnar eru ótrúlega flottar í þessari mynd. Þessi mynd fær 4 bardaga af fimm bardögum mögulegum og býð ég spenntur eftir framhaldinu í þessari vitleysu allri.
Eftir mjög rólega æfingu í gær fórum við nokkrir út við hafið að reyna ná okkur í smá sól í kroppinn og við mættum með handklæðið og stuttbuxurnar. Það er þannig hér að fólk fer út við sjóinn og leggur sig í klettana og sleikir sólina og stekkur í sjóinn sem er alveg ógeðslega kaldur og við lögðum ekki í það á þessum degi. Við vorum búnir að vera þarna í svona einn og hálfan tíma þegar það kom bara þetta risaský sem fór bara ekki og þar með var sú ferð eyðilögð :(
Höttur vann Leikni á Villapark og vonandi eru þeir komnir á sigurbraut aftur enn riðillinn er jafn og spennandi þar sem allir vinna alla en vonandi spýta mínir menn í lófana og vinna þetta !!
Veðrið hefur batnað heilmikið hérna og nú fer hitastigið bara ekki niður fyrir 20 stig og það er ekkert nema gott um það að segja.

Þangað til næst hafið það gott
P.s skrifið endilega í gestabókina þegar þið kíkið við hérna

2003-06-26T14:25:00.000-07:00

Sælt veri fólkið

Já í kvöld var spilað við Norrköping í bikarnum og fórum við með sigur af hólmi 2-0. Spilaði allan leikinn í stöðu vinstri bakvarðar og lagði upp fyrra markið. Mér leyfist að segja að við hefðum getað unnið stærra í kvöld en það gekk því miður ekki í þetta skipti enda það eina sem skiptir máli er að vinna skiptir ekki máli hvernig. Fékk því miður ekki að spila á móti Gumma Mete þar sem hann var kvefaður eða meiddur veit ekki alveg en hann var allavega ekki með.
Næsti leikur er á mánudaginn við Enköping og við verðum hreinlega að vinna þann leik ef við ætlum ekki að vera í einhverjum vandræðum. Er mjög þreyttur núna og hef svo sem ekki mikið meira að segja í þetta sinn.

Hej do

2003-06-25T06:17:00.000-07:00

Já sælt veri fólkið

Fékk góð viðbrögð eftir að hafa skrifað síðast og því hef ég ákveðið að skrifa eitthvað aftur hérna aðeins einum degi eftir að ég skrifaði síðast. Þetta er ótrúlegt. Það er nú svo sem ekki mikið í fréttum en við eigum að spila leik í bikarnum á morgun á móti Norköping og þar mæti ég íslendinginum Guðmundi Mete. Við ætlum okkur að sjálfsögðu áfram þar og ef við spilum okkar leik þá eigum við að sigra þá.
Gamall bekkjarfélagi minn hann Friðrik Jensen Karlsson var hér hjá mér í gær og kom hann frá Kaupmannahöfn þar sem hann leggur stund á nám í lyfjafræði. 'Eg hef nú ekki séð drenginn eiginlega síðan í 10 bekk eftir að hann fluttist til Reykjavíkur en gaman að fá drenginn í heimsókn þó ekki hafi hún verið löng, ja sona 6 klukkutímar.

Ekki nógu ánægður með mitt lið á Egilsstöðum þar sem þeir eru eitthvað að gefa sig og hafa tapað 2 leikjum í röð í deildinni. Strákar fara hysja upp um sig buxurnar og gera eitthvað af viti. Þeir eru nú reyndar að fá einhvern liðstyrk frá Danmörku og vonandi að það verði vítamínssprauta í eyrað fyrir Hattarmenn. Las það síðunni hans Péturs Handbolta að dómarinn hann Dáni hafi átt kartöflugras leik og dæmt eins og honum er einum lagið en hann hefur sennilega bara átt "down" leik :)

Ánægður er ég þó með fyrrum félaga mína í Keflavík þar sem þeir eru komnir á toppinn aftur í 1 deildinni eftir að hafa unnið Haukana í gær og Leiftur/Dalvík þar á undan. Við þá segi ég kíp öp ðe gúdd vörk !!!

Endilega skrifið í gestabókina ef þið lýtið við hérna á síðunni.

Fleira var það ekki að sinni hafið það gott.

2003-06-23T15:03:00.000-07:00

Sælt veri fólkið

Jæja best að skrifa eitthvað hérna af viti. Ef við byrjum á fótboltanum þá hef ég verið í liðinu í síðustu tveimur leikjum og gengið fínt bara. Við tókum á móti Örebro og sendum þá heim aftur með 4 boltamerki (adidas) á rassgatinu þar af voru þrjú þeirra eftir aðeins 9 mínútur !! Spilaði fínt bara og liðið var að spila glimrandi bolta og já við hefðum getað unnið stærra. Í kvöld mættum við Sundsvall og endaði það 1-1 í leik sem við áttum að vinna. Spiluðum á köflum glimrandi í fyrri hálfleik og hefðum átt að skora mark þar en það tókst því miður ekki. Spilaði vinstri bakvörð í fyrri hálfleik en í seinni hálfleik spilaði ég miðvörð og þetta gekk bara ágætlega en ég er drullusvekktur með að við skyldum ekki fara með sigur af hólmi :( Samt sem áður er gott að vera kominn í baráttuna þar sem maður vill vera og þar ætla ég að vera áfram og ekkert helvítis væl.
Helgin var fín þar sem hún byrjaði með smá "road trip" heim til eins félaga míns í liðinu þar sem var fagnað miðsumari eins og það myndi kallast á íslensku. Keyrðum í næstum fimm tíma til einhvers afskekktasta stað í landinu held ég og þá hef ég nú komið á skrýtna staði heima á 'Islandi eins og til dæmis Eskifjörð og sona staði ;) Svo var brunað aftur heim og farið á tónleika með engum öðrum en rokkaranum Bruce Springsteen ásamt 57000 örðum og það var þvílík stemmning og hann er ekkert smá góður því hann var með þvílíkt show !!! Hef ekki áður heyrt og séð 57000 syngja Twist and Shout sem er þó ekki eftir hann eins og glöggir menn vita sem var hans síðasta lag á tónleikunum. Það var nefnilega þannig að hann kom hingað 1985 og var með tónleika og þegar hann tók þetta lag þá fór völlurinn í klessu því það hoppuðu allir svo mikið. Þetta gekk þó ekki upp í þetta skiptið og völlurinn hélt sem betur fer því þarna spilum við okkar stóru leiki.

Að lokum vil ég þakka þeim sem lesa þetta enn og fara inn á þetta blogg ennþá í þeirri góðu von um að "vona að hann sé búinn að skrifa eitthvað skemmtilegt" eða "ætli djöfulsins hálfvitinn sé búinn að skrifa eitthvað þarna, best að ég kíki einu sinni enn" eða "þetta er í síðasta skiptið sem ég kíki þarna og svo er ég hættur eða hætt". Endilega skrifið í gestabókina þó ég þekki ykkur ekki verið ekkert feimin. Einnig vil ég þakka þeim sem hafa skrifað í gestabókina og þeir fá koss frá mér eða íslenskan harðfisk frá hraðfrystihúsi Eskifjarðar að launum ;)

Þangað til næst hej do

2003-05-28T15:08:00.000-07:00

S欴 veri f��?r>
Jᠭ g沠f��ram derbyi��milli ֲgryte og IFK og ?um vi��2 og nᰵm vi��r fram hefndum ? vi��einl᧵m fyrir ?��mu t? �yrra. Jᠯg 40000 manns l鴵 sjᠳig og ? ekki lei��eg stemmningin. 'Eg f髫 a��ra m鲠s洩��st?i a��ssu sinni en 駠var valinn �7 manna h��n var flokka��urtu ?a��tir upphitun f髫駠a��ella m鲠upp �t?Svona er ?jᠯkkur me��tta 17 manna system og 駠segi bara eitt andskotinn hafi ?
Vi��gum hins vegar leik �ikarnum ᠭorgun og ?ski er ma��6 manna h��m og f沠kannski a��ppa eitthva��nᮠVonum ?minnsta kosti.
M�r menn �ilan ur��vo Evr��eistarar fyrir nokkrum m�tum s�n og Dida hinn bras�ski ger��ara nokkkkkku��l ��rja 3 v�spyrnur ?hafi n?i��slakara laginu. En Milan ᴴi ?kili�� m� mati, sorry br�� en ?emur kannski hj᠊uventus seinna.
F��i��栨鲮a �ag eftir 榩ngu og ? dj?sins l�?angi vegna ? s殳k ungmenni voru a��skrifast og ?ef��h鲠a��nn r?ᠢl槪ub�m e��lottum b�m og veifi og gargi ᠧangandi vegfarendur og flauti �vona 2 t� stanslaust ᳡mt ?t?ga a��ekka ekki mᠧleyma ?tta er svol��ruv� en heima og gaman a��ᠾetta samt sem ᰵr. Vissulega sᠭa��gamla herb� eins og hef��er fyrir heima ᠅gilsst? en meira var n?svona b� sem kosta a��s meira og eru a��s flottari.
Flugmi��ir eru klᲩr og ?ara a��ftir a��udagurinn renni upp svo 駠geti n?ist a��s heim, ?��n?t.

H?r vann svo Leikni og vir�� fara vel ᠳta�� vonandi kemur ma��til a��nna ?kkrar brellur og takt��eims��nni. Stefni ᠥina 榩ngu a��nnsta kosti ;)

N��nni

2003-05-28T15:06:00.000-07:00

Sælt veri fólkið

Já í gær fór fram derbyið á milli Örgryte og IFK og þar unnum við 5-2 og náðum við þar fram hefndum þar sem við steinlágum fyrir þeim með sömu tölum í fyrra. Já og 40000 manns létu sjá sig og það var ekki leiðinleg stemmningin. 'Eg fékk að gera mér sætið í stúkunni að góðu að þessu sinni en ég var valinn í 17 manna hóp en var flokkaður í burtu þannig að eftir upphitun fékk ég að skella mér upp í stúku. Svona er þetta hjá okkur með þetta 17 manna system og ég segi bara eitt andskotinn hafi það ;)
Við eigum hins vegar leik í bikarnum á morgun og þá kannski er maður í 16 manna hópnum og fær kannski að hoppa eitthvað inná. Vonum það að minnsta kosti.
Mínir menn í Milan urðu svo Evrópumeistarar fyrir nokkrum mínútum síðan og Dida hinn brasíliski gerði bara nokkkkkkuð vel í að verja 3 vítaspyrnur þó þær hafi nú verið í slakara laginu. En Milan átti þetta skilið að mínu mati, sorry bróðir en þetta kemur kannski hjá Juventus seinna.
Fór niður í bæ hérna í dag eftir æfingu og það var djöfulsins líf þar í gangi vegna þess að sænsk ungmenni voru að útskrifast og þá er hefðin hér að menn rúnti á blægjubílum eða flottum bílum og veifi og gargi á gangandi vegfarendur og flauti í svona 2 tíma stanslaust ásamt því náttúrulega að drekka ekki má gleyma því. Þetta er svolítið öðruvísi en heima og gaman að sjá þetta samt sem áður. Vissulega sá maður gamla herbíla eins og hefðin er fyrir heima á Egilsstöðum en meira var nú um svona bíla sem kosta aðeins meira og eru aðeins flottari.
Flugmiðarnir eru klárir og þá er bara að bíða eftir að miðvikudagurinn renni upp svo ég geti nú komist aðeins heim, það verður nú fínt.

Höttur vann svo Leikni og virðast fara vel á stað og vonandi kemur maður til að kenna þeim nokkrar brellur og taktík í heimsókninni. Stefni á eina æfingu að minnsta kosti ;)

Nóg að sinni

2003-05-26T14:28:00.000-07:00

Jamm og jæja

Jæja eitthvað er maður að taka sig á í þessu bloggi og bara í annað skiptið í þessari viku sem maður er að blogga þetta. 'Eg veit hins vegar ekki hverjir lesa þetta og kíkja hér inn í von um að lesa eitthvað bull frá manni. 'Eg hef nefnilega séð að þeir sem ég þekki og halda úti heimasíðum eða bloggum hafa sett link á mig og ekkert nema gott um það að segja. En þá verður maður að sjálfsögðu að standa sig og skrifa eitthvað.
Það sem er að frétta núna er að við erum að fara að spila á morgun við nágrannana í Örgryte og búist er við um 40000 manns á svæðið til að sjá Jötteborjs derbyið. Það er frábær stemmning á þessum leikjum og umfangið er mikið. Ég veit að ég verð að minnsta kosti í 17 manna hópnum á morgun en það eru eins og flestir vita aðeins 16 menn á bekknum og því þarf einn að fara upp í stúku aftur sem er alveg hundleiðingt. Bara að vona að það verði ekki ég !!!!!!!
Hattarmenn fóru vel af stað undir stjórn nýs þjálfara sem ég var einmitt með sem þjálfara í eitt ár í Keflavík en það mun vera Gústi Björns. Góður þjálfari þar á ferð og vonandi nær Höttur að vera með í baráttunni í sumar um að komast upp um deild að þessu sinni. Nokkrir leikmenn hafa snúið til baka til Hattar eins og t.d. Baldur Braga markvörður og minn félagi Jónas ákvað að grafa takkaskónna fram aftur og er ég mjög sáttur með það. Einnig hafa þeir fengið fleiri leikmenn sem ég hef ekki séð áður og vonandi bara að þeir styrki lið þeirra. Aðstæðurnar eru að mínu mati þær fallegstu á landinu og Villa Park á maður vonandi eftir að spila á því ég hef ekki spilað þar enn , en vonandi verður af því fyrr eða seinna ;) Stefni að minnsta kosti að því að taka eina eða tvær æfingar á meðan ég er í fríi á þessu fallega velli.
Flugmiðinn var pantaður í dag og kem ég heim 4 júní og fer aftur 9 júní. Ferðinni verður eytt í að slappa af á Egilsstöðum sem sagt :)

Fleira var það ekki að þessu sinni.

2003-05-24T16:54:00.000-07:00

Já hæ ég er á lífi

Ég hef ekki skrifað hér í langan tíma en nú er ætlunin að bæta úr því og fyrir þá sem kíkja hingað reglulega ennþá (sem eru sjálfsagt ekki margir sökum leti minnar að skrifa) fá hjartanlegar þakkir fyrir það. Já látum okkur sjá það er ekki mikið að segja héðan nema að okkur gengur hálf brösulega í deildinni og ég sjálfur hef átt erfitt uppdráttar með að komast í liðið og ég ætla svo sem ekkert að kommenta það mikið meira. Hef sem sagt verið að spila með b-liðinu mest og þar erum við bara nokkuð góðir og höfum ekki tapað leik en þar sem mótherjarnir eru stundum ekki mikið að hrópa húrra fyrir þá ætla ég ekki að telja þetta vera mikið afrek. Ég hef aðeins eitt markmið og það er að vera í a-liðinu og ekkert minna þannig að ég er bara ekki sáttur við framgang mála. Það þýðir nú samt ekki að leggjast í grasið og fara grenja eins og smákrakki af því að einhver sendi ekki boltann heldur er bara að tækla þessa andskota og gera það sem þarf til að komast í liðið. Nóg af þessu fótboltaröfli annars.
Var í kvöld að horfa á Eurovision og ég er nokkuð sáttur við hana Birgittu okkar eins og hún mun sennilega vera kölluð núna. Hins vegar ætla ég að lýsa furðu minni á þessari keppni yfir höfuð því þetta er bara bölvað svindl og rugl og ég segi þetta ekki af því ég er eitthvað tapsár. Það er bara þannig ef við tökum þetta lag sem vann þá fannst mér þetta bara bölvað gaul sem og lagið sem lennti í 2 og 3 sæti. Ég er ekki að segja að ég hafi mikið vit á tónlist en væri ekki sniðugra að hafa einhverja dómnefnd heldur en þessa bölvaða símakosningu. Ef við tökum Tyrki til dæmis til athugunar betur þá eru þeir ekki fáir sem búa í löndunum í kringum sig og hvað þá hér í Svíþjóð, Þýskalandi og fleiri löndum. Þetta þýðir að hver einasti Tyrki hringir inn og velur að sjálfsögðu sitt land, þar komast þeir inn á lista í öðrum löndum og fá mörg stig. Ekki þýðir til dæmis fyrir Íslendinga sem búa erlendis að ná sama árangri og þeir því jú viti menn aðeins brota brot íslendinga er ekki einu sinni einn hundrað þúsund hluti þeirra Tyrkja sem búa erlendis. Við eigum bara ekki séns eins og þetta er nú sem og lönd sem eru minni því miður. Annars er mér alveg skítsama um þessa keppni bara svona smá hugleyðing.
Einnig mun ég vera á leið heim til Egilsstaða í byrjun júní í smá frí. Þar mun ég slappa af og gera eitthvað sem ekki er hægt að gera hér eins og fara á snjósleða, veiða almennilegan urrrrrrrriða. Einnig kíkja á leik með mínu liði Hetti á móti randaflugunum eins og maður kallaði þá þegar maður var yngri já og kannski að kíkja á æfingu með Hattarmönnum. Fínt að kíkja heim aðeins og slappa af og vonandi vonandi verður nú gott veður ;)

Nóg að sinni frá Hjálmar Jónssyni frá Jötteborj

2003-04-17T10:54:00.000-07:00

Já hæ eruð þið þarna.

Jæja það hefur nú margt gerst hér síðan ég skrifaði síðast en ég ætla ekki að hafa fleiri orð um það og veriði margblessuð og megið þið vel að lifa. Nei nei bara að djóka í jóka þegar ég er í yoga þegar ég þarf að sóta.
Jæja nú eru hjá mér staddir tveir af mínum allra verstu æskuvinum og hef ég tekið viðtal við þá kumpána Jónas og Adda. Þeir komu í gærkvöldi eftir að hafa verið í kóngsins Köben í einn dag með besta vini sínum þ.e.a.s Öllari Bjórssyni. Hér kemur svo viðtalið:

Jæja strákar nú eruð þið bara komnir til Jötteborj og hvernig lýst ykkur á þetta ?

Jónas: Þetta er ekkert smá subbulegur staður verð ég að segja og ég hef bara verið hérna í einn dag !!!
Addi: Já ég verð að vera sammála Jónasi þetta er ógeðslegt maður. Þegar við komum úr lestinni þá bara kom kúkafnykurinn flæðandi á móti okkur. Djöfulsins ógeð bara. Aldrei lennt í öðru eins bara !!!!

Já það er ekkert annað en það hlýtur nú að hafa verið skárra þegar þið komuð heim til Hjalla ?

Jónas: Ertu að grínast það var sama kúkalyktin sem mætti okkur þar þvílík svínastía ég hef aldrei kynnst öðru eins !!!
Addi: Sama hérna, hvernig getur drengurinn búið þarna hugsaði ég. Það fyrsta sem við þurftum að gera var að taka til og lofta út.

Nei nú hljótið þið að vera ljúga ?

Jónas: Nei þetta er alveg satt. Drengurinn hendir ekki einu sinni mjólkurfernunum heldur geymir þær hálf fullar á ofninum í stofunni !!!!
Addi: Já og svo eitt annað drengurin tekur í vörina og það er bara munntóbak útum allt og það sést ekki á sjónvarpið fyrir ryki og drullu !!

En ef við snúum okkur að öðru. Hvernig hefur gestristnin verið hjá húsbóndanum ??

Jónas: Það er nú eitt annað. Maðurinn fer bara á æfingar og skilur okkur eftir eina heima og læsir hurðinni svo við komumst ekki einu sinni út úr svínastíunni !!!
Addi: Já og lyktin er bara búinn að vera að kæfa okkur hann er búinn að negla fyrir gluggana og við sitjum hérna kófsveittir og í skítafýlunni !!

Nohh það er aldeilis. En maturinn þá hvernig er hann ??

Jónas: Það eina sem við höfum fengið að borða hérna er mjólin sem hann skilur eftir á ofninum og þriggja mánaða gamlan fetaost þetta er ekki eðlilegt.
Addi: Ég er ekki búinn að borða neitt síðan ég kom ég get ekki étið þetta ógeð !!!

En hvernig lýst ykkur svo á framhaldið ???

Jónas: Ég veit það ekki alveg ég er að spá í að fara bara að drulla mér heim þetta er ekki það sem ég hafði hugsað mér !!!
Addi: Ég er bjartsýnari en ef þetta heldur svona áfram þá fer ég heim þetta gengur nátturulega ekki svona áfram !!!

Er þetta svona eins og að vera í fangelsi þá ?

Jónas: Verra maður, maður fær þó allavega teppi og svona sæmilegan bedda þar. Maturinn er líka betri í fangelsinu !!!
Addi: No Comment. En ég fékk þó að sofa í andyrinu innan um skónna og þar var ekki lítil táfýla maður !!

Strákarnir eru sem sagt ekkert alltof hressir með þetta en vona þó að þetta lagist og drengurinn sjái nú aðeins að sér. Á morgun kemur svo viðtal númer tvö og vonum við að strákarnir verði nú aðeins jákvæðari þar.

p.s þetta er uppspuni frá rótum og er í gamni gert en vonandi finnst ykkur þetta að minnsta kosti eitthvað fyndið :)

Þetta er Uppspuni frá Rótum sem skrifar frá Götteborj

2003-03-18T14:57:00.000-08:00

Ola

Já viti menn ég var rétt í þessu að skríða inn úr dyrunum eftir "viku" ferðina til Spánar. Nei bara að fíflast. Ég var einfaldlega haldinn ritstíflu og þetta er stórhættulegt helvíti. Allavega fengum við alveg magnað veður þarna niður á Spáni og það var hápunktur ferðarinnar og má þá segja að ekkert merkilegt hafi nú gerst. Við spiluðum tvo leiki og spilaði ég þá báða en úrslitin voru nú ekkert til að hrópa jibbí yfir, eitt jafntefli og eitt tap. Loksins fengum við að spila á grasi og það var einnig bónus. Maturinn já hann var matur ekkert annað hægt að segja um hann því hann getur ekki hafa verði góður þegar aðaltilhlökkunarefnið var að borða jógúrtið eftir matinn !!!!! Síðasta kvöldið veiktist ég og fékk hita og var eins og blautur vasaklútur á heimleiðinni þar sem við þurftum að bíða sex tíma í Amsterdam og það var ekki gaman. Var svo hálfslappur eftir heimkomuna og lá einn dag til viðbótar. Þetta var í sjálfu sér ágætisferð en að mínu mati fékkst ekki nógu mikið út úr þessu fótboltalega séð og hefði kannski verið gott að vera eina viku til viðbótar.
Spiluðum síðan æfingaleik á síðasta miðvikudag þar sem já þið giskuðuð rétt var spilaður á möl og þann leik unnum við 2-1 og spilaði ég allann leikinn þar einnig. Leikur á morgun á grasi hér í Svíþjóð sem er bara gott mál.
Meira hef ég ekki að segja að sinni og bið því kærlega að heilsa. Jú víst ég gleymdi einu. 'Eg vil lýsa ánægju minni með að álver muni rísa á Reyðarfirði því að þetta verður lyftistöng fyrir fjórðunginn í heild.

Þetta er Hjálmar Jónsson sem kveður frá Reyðarfirði

2003-03-02T00:56:00.000-08:00

Hæ

Þarf að skreppa til Spánar í viku ahhhhahahhahaha. Þannig að það verður ferðasaga hér þegar ég kem heim. Hafið það gott hvar sem þið eruð í heiminum.

Bless

2003-02-27T13:50:00.000-08:00

Já hæ

Jæja hvað á maður nú að segja. Við vorum að spila síðasta laugardag þar sem við töpuðum 3-1 þar sem við skitum á okkur í seinni hálfleik eftir að hafa verið 1-0 yfir í hálfleik. Spilaði allan leikinn í vinstri bak og gekk svona lala eins og ég sagði áðan fengu allir í liðinu í magann held ég og endaði það með því að við skitum í okkur. Lékum svo á þriðjudag aftur og unnum þann leik 1-0 og þar fékk ég að spila í stöðu hægri bakvarðar !!! Já þá er bara ein staða eftir á vellinum og það er markið og þangað voga ég mér ekki því ég get ekki rassgat í marki. Í þessum leik spilaði ég í svona 65-70 mín. Allir æfingaleikir okkar til þessa hafa farið fram á möl sem er alveg hundleiðinlegt í hreinskilni sagt. En nú á sunnudaginn verður haldið til Spánar í æfingaferð í viku og það verður nú fínt að komast í smá hita og sjálfsögðu að komast á grasið.
Komst yfir nokkar fóstbræðra spólur hérna úti og þetta er algjör snilld og maður hefur legið hérna í sófanum stundum og grenjað úr hlátri yfir sumum atriðunum en önnur eru bara hálf vangefin sem maður hristir bara hausinn yfir. Hef verið að bæta jafnt og þétt við DVD mynda safnið og þetta fer nú að vera álitlegt safn bara. Kaupi bara myndir sem mér finnst góðar og nenni að horfa á aftur en ekki þetta nýja drasl sem kostar morðfjár því því "stelur" maður bara á netinu og horfir á í tölvunni, helvíti næs bara.
Er að spá kannski í að kíkja til Íslands um miðjan mars í helgarfrí því það lýtur ekki út fyrir að við fáum mikið frí í sumar og þá er það bara haustið. Þetta kemur þó allt í ljós bara.
Annars er það bara þetta venjulega og bara næstum mánuður í að tímabilið hefjist og það er mjög gott mál.

Þetta er Hjálmar Jónsson sem kveður frá Kuala lumpur

2003-02-21T12:21:00.000-08:00

Jamm og jæja

Ekki mikið að gerast síðustu daga hérna. Við eigum að spila á morgun æfingaleik á möl eins og síðast. Það verður gaman að spila en maður fer nú að vona að hægt verði að fara að spila á gervigrasi úti svona til tilbreytingar. Það eru engar svona innihallir hérna á svæðinu og þess vegna er það bara harðir malarvellir sem gilda og kuldinn einnig. Reyndar er ekki langt í að við förum á suðlægari slóðir eða til La Manga á Spáni. Það verður nú ágætt að komast í smá hita þó það verði nú ekki nema kannski +10 því ég er orðinn leiður á þessum helvítis kulda sem er hérna. Það er sem sagt leikur á morgun og aftur á þriðjudag og síðan og svo verður haldið til Spánar á næsta sunnudag Jei.
Íkveikjufélagi minn hann Jónas kemur svo með tölvuheilanum honum Adda í heimsókn um páskana og það er magnað. Þeir ætla að vera í nokkra daga og vonandi fara menn nú að plana ferð hérna í heimsókn. Gaman væri nú að fá einhverja í heimsókn í sumar því það getur orðið ansi heitt og gott hérna ásamt því náttúrulega að eiga góðar stundir með mér :)
Eitthvað var nú verið að auglýsa sænskan Bachelor og þá held ég nú að ég fái algjört kast yfir þeim þáttum og þið fáið að verða vitni að því hér á þessari síðu. Þetta eru ömurlegir þættir sem maður verður að horfa á til þess að taka út neikvæðnina og illskuna. En eins og einn fótboltamaður sagði nú við félaga sína eftir að hafa skíttapað leik, hann hafði hugsað sér að taka út reiðina á einhvern annan hátt og sagði:" Nú þarf maður að finna sér kellingu og fara með hana heim læsa sig inn í herbergi og ...... (já nú héldu nú flestir að það kæmi eitthvað kynferðislegt en nei) berja hana !!!! En allt var þetta nú sennilega í gríni :)

Þangað til næst þetta er Hjálmar Jónsson sem kveður frá Kúlusúkk í Lakkríslandi

2003-02-16T12:33:00.000-08:00

Hei Hó

Já það hefur heldur betur losnað um ritstífluna. Í gær fór ég í bíó á myndina The Ring og það er mjög langt síðan að ég hef orðið svona andskoti hræddur. Ég held að ég hafi bara ekki orðið svona hræddur síðan að ég og Jónas félagi minn kveiktum óvart í sinu þar sem Einbúabláin á Egilsstöðum stendur núna. Þá var bara mýri og móar þar sem nú stendur byggð þegar við brenndum þetta allt saman upp. Þá vissum við náttúrulega að þarna myndi rísa íbúabyggð og vorum við bara að byrja á því starfi. Það þurfti slökkvilið og læti til að ráða niðurlögum eldsins. Ég var svo hræddur að ég hljóð grenjandi heim á mettíma og þegar mamma spurði hvað hefði komið fyrir þá kom ég ekki upp orði. Þetta var þegar við vorum 19 ára nei við vorum 8 eða 9 ára.
En aftur að myndinni, þegar ég hélt að myndin væri að verða búinn og ég búinn að sætta mig við að vera svona helvíti hræddur nei þá voru fokking 20 mínútur eftir af ógeði og hræðslu. Þetta var náttúrulega ekki eðlilegt því myndin byrjaði svona eins Scream myndirnar (unglingar vælandi og skrækjandi) og hélt ég að þetta yrði nú eitthvað algjört rugl en þetta var eins og áður sagði mjög ógnvekjandi. Góð mynd og fær 4 kúka í buxurnar af 5 kúkum í buxurnar.
Í dag á Pabbi afmæli og hann er 58 ára í dag og einnig er nákvæmlega eitt ár síðan ég skrifaði undir samning við IFK. Þrjú ár eftir :)

Þetta er Hjálmar Jónsson sem kveður frá hellinum hans Bin Laden einhversstaðar í Afganistan :)

2003-02-15T08:41:00.000-08:00

Sæl veriði

Já ég er á lífi !!! Ég hef verið haldinn mikilli ritstíflu og fékk ég hjálp frá félaga mínum í gær að finna rétt orðið yfir þetta. Takk Eysteinn. Ég hef sem sagt verið haldinn ritstíflu af sterkari kantinum og þess vegna hefur ekkert komið hérna inn á síðustu dögum. Já eða 12 dögum vá það er alveg hrikalegt. Hef fengið skammir í loðhúfuna fyrir að skrifa ekkert hérna inn og það sýnir bara að það nennir einhver að lesa þetta bull sem ég er að skrifa.
Á þessum tólf dögum hefur nú ekkert merkilegt gerst svo sem þannig að það var ekkert 234 í hættunni að ég var haldinn þessari stíflu. Við spiluðum æfingaleik í vikunni á móti Galdrahettunum (Tröllhattan) og við unnum 4-0. Ég spilaði seinni hálfleik í þessum leik í vinstri bakverði og gekk bara ágætlega. Nú leikurinn var spilaður á möl og það eru nú ár og dagar síðan ég spilaði á möl síðast en við gerðum bara nokkuð vel og spiluðum nokkuð góðan bolta. Boltinn var samt alveg hrikalega lélegur, veit ekki hvað þetta var en minnti óneytanlega á blakbolta.
Við áttum að fara til Danaveldis um helgina að spila tvo æfingaleiki á grasi en það var hætt við það vegna þess að vellirnir voru ekki í nógu góðu ásigkomulagi. Það var kannski alveg eins gott að við fórum ekki því helmingurinn að liðinu er annaðhvort veikur eða hálfmeitt. Ég er heill í skrokknum þessa stundina og það er gott því það er nokkuð mikilvægt að vera heill á undirbúningstímabilinu.
Mínir gömlu félagar í Keflavík hafa fengið góðan liðsstyrk í félaga mínum honum Stefáni Gíslasyni og verða án efa með hörkulið í 1. deildinni næsta sumar þó að mínu mati eigi þeir ekki heima þar en svona er nú fótboltinn. Hins vegar hvarf Haukur Ingi á braut til Fylkis og mikill missir af honum.
Jæja þá er ekki mikið meira að skrifa hér í dag en hver veit nema eitthvað bull komi hér á morgun eða eftir tólf daga því þessi ritstífla er alveg stórhættuleg.

P.s kvittiði fyrir komu ykkar á síðuna í gestabókina alltaf gaman að vita hverjir kíkja hér á þetta bull.

Þetta er Hjálmar Jónsson sem skrifar frá Kaldalónsstíflu :)

2003-02-03T13:13:00.000-08:00

Tjena

Helgin var mjög róleg bara og ekki mikið gert þannig að ekki er hægt að skrifa mikið um hana. Jú á sunnudaginn fór ég og keypti mér Playstation 2 og þetta er alveg magnað fyrirbæri og ég er hreinlega fastur í einum leik. Það er búið að snjóa alveg heilan helling hérna en ég hef ekki trú á því að það endist lengi og verður snjórinn sennilega horfinn mjög fljótt.
Ég er einnig mjög sáttur við gengi okkar íslendinga á HM í handbolta og ég skellti því náttúrulega í andlitið á Svíunum hérna að við hefðum nú komist á Ólympíuleikana en ekki þeir. Þessi æfingavika verður í "léttari " kanntinum sem telja 6 æfingar en ég verð að viðurkenna það að maður er nú ekki alveg sá frískasti á mánudagsæfingunum eftir fríhelgi sem var að mestu leyti eytt í sófanum. Tók smá tíma að koma sér í gang og ekki voru hlaupin neitt einföld sem við tókum í lok æfingar en maður þarf nú víst að geta hlaupið til að geta spilað fótbolta í 90 mínútur á fullu þannig að ég ætti ekki að vera skæla. Það eru reyndar nokkrir í þessu liði mínu sem eru bara svo neikvæðir að það er ekki fyndið, kvarta og kveina yfir öllu hreinlega og ég varla skil ekki hvering þeir geta haft gaman af fótbolta yfir höfuð. Annars eru þetta fínir drengir að öðru leyti en ég verð stundum alveg brjálaður á kvartinu í nokkrum.
Haldiði að það hafi ekki kviknað í bílnum hjá mömmu þegar hún var á leið í klippingu um daginn, hvað er eiginlega í gangi !! Allavega ekki bíllinn því hann er ekki keyrsluhæfur þessa stundina. Annars hef ég til sölu hérna alveg glæsilega bifreið, Volvo S80, þeir sem eru áhugasamir eru beðnir um að hafa samband. Þessi bíll er 1 af 500 sem Volvo framleiddi og er Limited Edition þannig að þetta er ekki neinn slorbíll skal ég segja ykkur.
Meira var það ekki að sinni !!

Þetta er Hjálmar Jónsson sem kveður frá Istanbul

2003-01-30T12:26:00.000-08:00

Hallú

Jamm það er bara að koma helgi aftur og það er bara gott mál. Þessa vikuna sem fyrri eru æfingarnar sem taka upp mestan af mínum tíma. Svíarnir voru enda við það að tapa fyrir Frökkunum og það er því ljóst að þeir verða nú ekki heimsmeistarar í þetta skiptið en það er nú allt í lagi finnst mér bara. Svo er bara að vona að Íslendingarnir vinni Spanjólana og já verði bara heimsmeistarar svona einu sinni allavega, það væri nú alveg magnað. Nóg af íþróttum í bili.
Ég er nokkuð ánægður með sjónvarpið hérna því það eru nokkrir svokallaðir veruleika sjónvarpsþættir hér í gangi og þeirra á meðal eru Big Brother, skandinavískt Temptation Ísland. Ég veit ekki hvað er með mig og þessa þætti því ef þið munið eftir að ég var að bölsótast út í hinn ótrúlega magnaða þátt The Bachelor hef ég komist á þá skoðun að ég get bara ekki sleppt því að horfa á þá. Annað hvort er það ég sem hef ekkert annað betra að gera en að bölsótast út í annað fólk sem bara eru algjörir vitleysingar að fara í svona þætti eða þá að ég bara ekki sleppt því að horfa á þetta svo að ég missi nú örugglega ekki af neinu til þess að vera samræðuhæfur í þessu samfélgi !!

Svo eru það fréttirnar sem skipta akkurat engu máli fyrir ykkur sem lesa þetta en þá tapaði ég feitt í Rommý um daginn og þarf sennilega að leita mér að sálfræðihjálp vegna þess því ég þoli bara ekki að tapa. Svo hefur vaknað hjá mér upp sú hugmynd um að nota þann tíma sem ég hef aflögu, sem er stundum ansi mikill, til þess að kaupa mér gítar (já þið eruð ekki að lesa neina vitleysu) og læra að spila á gítar af eigin rammleik. Ekki veit ég hvernig það á eftir að ganga en það er eitt sem er alveg ljóst að ég er ekki að fara syngja neina vitleysu því þið sem þekkið mig sem best vitið að ég kann nákvæmlega ekki neitt að syngja og er einn sá falskasti norðan kárahnjúka !!!

Að lokum vil ég lýsa ánægju minni með það að hún Bylgja mín hefur tekið þá ákvörðun um að taka fram knattspyrnuskóna að nýju og hefur heyrst að hún æfi grimmt þessa dagana.Það má einnig minna á það að Bylgja á náttúrulega allt sem hún kann í fótbolta mér að þakka :) Kíp up ðe gúdd work Bylgja.

Þetta er Hjálmar Jónsson sem kveður frá rótum Kárahnjúka sem brátt fara á kaf ;)

2003-01-26T09:27:00.000-08:00

Jamm og jæja

Já það er bara búið að vera nokkuð um að vera síðustu daga hjá mér aldrei þessu vant. Á fimmtudaginn fór ég með félaga mínum í liðinu á íshokkí og það var bara nokkuð skemmtilegt og ég er búinn að læra svona helstu reglurnar en ég ætla ekki að fara að láta mig dreyma um að fara að gerast aðdáendi að þessari íþrótt, það er bara of mikið. Á föstudaginn fór ég svo í "Íslendingaklúbbinn" sem var eiginlega svona afmælis, skýrnar, giftingar veisla og það var bara nokkuð fínt eins og fyrri daginn. Í gærkvöldi var svo video kvöld og horft var á myndina O brother where art thou og hún var bara helvíti góð en nokkuð skrýtin en já bara nokkuð góð. Í kvöld er svo stefnan tekin á bíó og vonandi verður þetta góð mynd !!
Handboltinn gegnur bara nokkuð vel og það var nú léttir að vinna Portúgalana verð ég að segja en leikurinn á móti Katar var náttúrulega bara skyldusigur. Í þessum skrifuðu orðum eru Íslendingar þó undir á móti Þjóðverjum 22-17 en það verður bara að vera þannig að kannski vinnum við en það verður nú bara að koma í ljós.
Æfingarnar halda svo áfram eins og venjulega og það fer nú að styttast í það að við förum að spila æfingaleiki en það eru nú samt 2 vikur í það.

Þangað til næst þetta er Hjálmar Jónsson sem kveður úr rassgate

2003-01-22T12:35:00.000-08:00

Jahá

Já já ég veit að ég er búinn að vera latur að skrifa en nú skal ég reyna að bregðast ykkur ekki þið sem kíkið á þessa annars merkilegur síðu. Eins og fyrri daginn er ekki mikið að gerast reyndar en maður verður nú að reyna að láta skoðanir sínar í ljós án þess að fara þó yfir strikið en ekki þó í Danmörku heldur þetta hérna ____________ :)
Nú er æft tvisvar á dag og það er nokkuð jobbigt eins og þeir segja nú Svíarnir, þannig að maður gerir nú lítið annað en að æfa þessa dagana. Það sem ég geri á milli æfinga er að við nokkrir í liðinu spilum 500 sem á Íslandi er betur þekkt sem Rommý og myndast oft skemmtileg stemmning í því spili. Ég hef nú sýnt snilli mína í því spili nokkrum sinnum og vil ég þakka hugleiðslu minni á Bambus fyrir það. Svo er það annað þegar við spilum eitthvað spil sem þeir kalla Chicago því þá kann ég ekki neitt og tapa bara og tapa þannig að ég ætla að halda mig við Rommýið.
Það hefur eflaust ekki farið fram hjá neinum hérna né heima að það er í gangi HM í handbolta og ég ætla að lýsa furðu minni á því hvers vegna í andskotanum lið eins og Ástralía getur hreinlega tekið þátt í svona móti. Að tapa 55-15 í handbolta er ekki bara til skammar heldur til háborinnar skammar og ekki er ég þó að gera lítið úr "afreki" okkar Íslendingar, við settum víst einhver met þarna þannig að það er bara gott mál. Grænland var síðan næsti mótherji okkar og þann leik unnum við nokkuð örugglega og ég spyr mig að því hvort það er gott eða slæmt að fá tvo svona skítaleiki strax í byrjun móts. Jú þarna var kannski gott tækifæri á að "æfa" sig og fara yfir kerfin en svo er spurning þegar við fáum sterkari mótherja sem eru að mig minnir Portúgalar hvort við náum að vinna þá og sýna það að þessir skítaleikir voru til góðs eður ei. Ég vona sannarlega að við vinnum þá en það kæmi mér ekki á óvart að við ættum eftir að lenda í vandræðum þar sem þetta verður hörkuleikur. Svíarnir voru nú ekki par ánægðir með að tapa fyrir Slóvenum og þetta er sennilega slakasti leikur sem ég hef séð með þeim síðan ég man eftir mér. En nóg af handbolta.
Ég vil óska félögum mínum sem spila körfu með Keflavík til hamingju með að vera komnir í bikarúrslitin og vona að sjálfsögðu að þeir fari alla leið. Teljarinn hjá mér er að komast í 800 bráðum þannig að einhverjir hljóta að lesa þetta bull hjá mér og ég sé einnig að menn hafa fundið gestabókina og endilega haldiði áfram að skrifa þar. Hótanir mínar hafa skilað einhverju greinilega :)

Þangað til næst þetta er Hjálmar Jónsson sem kveður frá Höfðaborg

2003-01-17T14:22:00.000-08:00

Trallalalla

Komiði sæl og blessuð !! Það er nú ekki mikið að gerast þessa dagana allt eitthvað hálf klént. Eftir æfingu dagsins tók ég mig til og horfði á gamla takta með Radíus bræðrum sem Eysteinn son of Hawk sendi mér og kann ég honum bestu þakkir fyrir það. Þeir voru fyrstir til að koma með þennan of mikið húmor og voru nokkuð góðir í því. Ég ætla nú ekki að fara lýsa þessu en ég get sagt ykkur það að ef einhver af félögum mínum í liðinu hefði horft á þetta með mér hefði hann sennilega haldið að ég væri eitthvað geðveikur !!
Annars hef ég verið mjög á menningarlegu nótunum og tekið mér skruddu í hönd og lesið já bara heilan helling og það sem hefur verið á náttborðinu eru íslenskar sakamálasögur sem eru bara nokkuð góðar.
Skrif mín og hótanir um að skrifa í gestabókina höfðu nokkuð góð áhrif en ekki alveg eins og ég hafði vonast eftir þannig að ef þið lítið við endilega ekki skrifa bara línu eins og hann Stefán Bogi bekkjarfélagi minn gerði. Nei þetta var fyndið Bogi minn og það kom bros á vör við þennan aulahúmor sem ég er akkurat mjög hrifinn af. Skrifa eitthvað í gestabókina og það má alveg bulla þar eitthvað og koma með uppástungur um hvað ég get skrifað á þessa blessuðu síðu ?????

Þangað til næst, þetta er Hjálmar Jónsson sem kveður frá Stalingrad

2003-01-14T11:29:00.000-08:00

Halló

Það hefur nú ekki gerst neitt bara síðan ég kom út aftur þannig að það er ekkert að skrifa um því miður. Við erum bara búnir að vera æfa eins og brjálaðir menn svo að maður gerir nú ekki mikið annað. Ég þarf að grafa djúpt í heilann til að finna einhverja vitleysu en það kemur vonandi á næstu dögum. Heyrðu jú ég horfði á myndina Rat Race í gær og þessi mynd er bara helvíti góð. Það var eitt atriði þar sem ég var næstum því búinn að míga í mig af hlátri þar sem einn kom á bílnum hans Hitler keyrandi inn á eitthvað hermannamót manna sem börðust í seinni heimsstyrjöldinni. Þetta var náttúrulega alveg fáranlegt því maðurinn sem keyrði bílinn hafði fengið sígarettukveikjarann einhverra hluta vegna upp í sig og þar að auki með svartann varalit eins og skeggið á Hitler var. Hann gat því ekki talað enskuna þannig að það var eins og hann væri að tala þýsku og baðaði örmunum út í loftið eins og Hitlerinn gerði svo ósjaldan og barði í borðið og heilsaði að hans sið. Þið getið rétt ímyndað ykkur að það er varla hægt að lenda í vandræðilegri aðstöðu nema kannski að láta Eystein Son of the Hawk sóla sig upp úr skónum :)
Teljarinn minn er að komast upp í 500 og það eru að sjálfsögðu engin verðlaun fyrir að vera 500 gesturinn. Það er reyndar svo skrýtið með það að gestabókin hjá mér er ekki komin í sömu stöðu og teljarinn þannig að þegar þið lesið þetta bull hjá mér megiðið þið alveg drullast(vera svo væn) að kvitta í gestabókina þó svo það sé ekki nema ein lína(þó ekki símalína)

Þangað til næst, þetta er Hjálmar son of John sem kveður frá Kandahar

2003-01-07T12:22:00.000-08:00

Halló Halló

Jæja nú er ég kominn út og það er nú ekki svo alslæmt fyrir utan að í dag voru tvær æfingar og eitt test þannig að ég er alveg gjööööörsamlega búinn að vera en þetta kemur vonandi allt saman. Ég á hins vegar eftir að vera með harðsperrur satans á morgun en það þýðir ekki að gráta Björn bónda eins og þeir sögðu nú við mig hérna á hreinni íslensku !!!???
Ferðin út var hreint og beint ekki eins og hún átti að vera. Ég átti að fljúga frá Íslandi klukkan 07.35 og vaknaði því eldsprækur kl 6 um morgunin og dreif mig upp í flugstöð en komst þá að því að öllu flugi hafði verið seinkað um næstum 2 tíma. Þetta þýddi að ég hefði getað sofið lengur ef ég hefði nú drullað mér til að skoða textavarpið áður en ég fór upp á flugvöll. Annað var að ég missti af tengifluginu mínu hingað til Svíþjóðar og þurfti því að bíða í Osló á flugvelli sem ekki er hægt að gera paul shit á. Ég var sem sagt lenntur í Gautaborg tæpum fimm tímum seinna en ég átti upphaflega að lenda. Þá var þetta náttúrulega ekki búið allt saman því töskurnar komu ekki, þá gjörsamlega missti ég mig og braut allt og bramlaði á flugvellinum og var færður í fangageymslur lögreglunnar. Nei nei ég var bara reiður. Fékk svo töskurnar kl hálf tólf í gærkvöldi og eitt skal ég segja ykkur að þetta er ekki fyrsta skipti sem ég lenndi í svona rugli og er orðinn mjög þreyttur á þessu.
Tími gafst ekki til að kveðja alla almennilega og þeir sem eru fúlir yfir því verða bara vera fúlir :)
Ég fór á myndina Two Towers og hún er hrein snilld og fær hún að sjálfsögðu fimm turna af fimm :)
Kíkiði á síðuna hjá Gummó og lesiði alveg ótrúlega gott viðtal Dúllarans við mig. Gummó þetta er algjör snilld :)
Þangað til næst Hjálmar Jónsson kveður frá Jutteborg.

P.s veriði ekki feiminn að skrifa í gestabókina.

2003-01-01T15:19:00.000-08:00

Jæjhhaa

Nú er komið nýtt ár og það er nú bara hið fínasta mál. Gærdagurinn var fínn og var rjúpan bara nokkuð góð og kíkti á brennu eftir matinn. Svo var horft á skaupið sem var bara nokkuð gott en ég fattaði kannski ekki allt því ég bý nú ekki á þessu landi lengur. Etir skaupið var púðrað upp sprengjum og svo haldið út leið. Ballið var svona lala en rættist úr þessu þegar á leið. Besti parturinn var svo eftir ballið þar sem við álpuðumst inn í partý sem var hrein og bein snilld. Kvöldið endaði bara nokkuð vel og á heildina litið var þetta bara alveg hinn ágætasti síðasti dagur á árinu.

Bylgja mín þakka fyrir að gera við gestabókina mína og ég gef þér ást mína frá hjartanu fyrir það. Meira get ég ekki gert :)

Vonandi verður þetta ár betra en það síðasta og sömuleiðis hjá ykkur.

Kveðja Hjálmar

P.s skrifiði í gestabókina

2002-12-31T09:33:00.000-08:00

Hæbbs

Ég óska ykkur öllum gleðilegs nýs árs en samt bara ef þið lesið þetta á nýja árinu :) Geriði svo eitthvað skemmtilegt í kvöld því þetta er síðasti séns á þessu ári til að gera eitthvað skemmtilegt :)

Gleðilegt ár !!

Kveðja Hjálmar Jónsson

2002-12-30T15:21:00.000-08:00

Wasaby

Jæja nú er þetta ár bara alveg að verða búið og á morgun er síðasti dagurinn og hann verður nú vonandi skemmtilegur því hann á að vera skemmtilegur. Ætli sé ekki best að segja hvað hefur drifið á daga mína hér fyrir austan um jólin. Það er nú ekki löng saga að segja frá því, því að það hefur nú ekki neitt merkilegt gerst nema ég hef borðað, sofið, horft á video og að sjálfsögðu skemmt mér með vinum og vandamönnum bæði hér á héraði og á fjörðum. Jú jú alltaf þarf nú að gerast eitthvað fyndið og menn detta á borð og detta af borðum. Þið getið lesið detta á borð söguna hjá honum Gummó en ég ætla að segja ykkur detta af borði sögu hér sem var alveg ógurlega fyndið.
Það var nú þannig að ég fékk tvo félaga mína úr Keflavík í heimsókn hingað á annan í jólum og á föstudaginn fórum við niður á Eskifjörð að hitta hann Jóa félaga okkar. Við ákváðum að bregða okkur á dansiball eins og menn kalla það og þegar við komum inn var fullt að liði sem hafði verið á árshátíð Hraðfrystihúsi Eskifjarðar. Þarna voru menn í misjöfnu ástandi og þó aðallega eldra liðið sem réði varla yfir nokkurri eðlilegri hreyfingu. Við félagarnir settumst við langborð og ekki líður á löngu þangað til einn eldri maður vippar sér upp á borð og byrjar að dansa uppi á borði. Það var svo ekki nema eftir svona 37 sek. seinna að þessi sami maður var búinn að steinrota manninn sem sat næst honum í stól og allt í háa loft. Þetta átti sér þannig stað að (og nú ýki ég ekki) maðurinn sem var að dansa uppi á borði tók þessa líka rosalega fjölbragðaglímubragð svona eins og Hulk Hogan hefði klifrað upp í böndinn og stokkið á andstæðing sinn sem lægi hreyfingarlaus(sat í stól og fattaði ekki neitt) á gólfinu og bryti hvert bein í honum. Allavega datt hann af borðinu því hann réði hreinlega ekki við sig og skellti manninum í stólnum á gólfið sem gat náttúrulega ekkert gert og skall í gólfið með hnakkann. Hann var nú ekki úti lengi en þegar hann rankaði við sér varð hann alveg snælduvitlaus og vissi ekkert í sinn haus og gat varla staðið í lappirnar. Ég held að honum hafi verið keyrt heim. Við félagarnir héldum nú í okkur hlátrinum þangað til þessi ósköp voru gegnin yfir en eftir það áttum við svona 13 mínútna hláturskast, það er ljótt að hlæja að svona en þetta var bara svo agalega fyndið að við gátum ekki annað.

Gestabókin er reyndar eitthvað að klikka hjá mér en það stendur til að bjarga því á morgun. Svo er ég með svona kommenta kerfi á eftir hverju bulli sem ég skrifa og endilega látiði mig heyra það ef ykkur mislíkar eitthvað eða líkar vel. Fer svo að bæta linkum hér á síðuna þannig að þetta er allt á góðri leið.

Þangað til næst ,þetta er Hjálmar Jónsson í Adis Ababa .......... nei ég meina Egilsstöðum !!

P.s lýsi eftir(samt ekki þorskalýsi) því að heyra í ákveðnum einstaklingi sem engu hefur svarað frá því ég sá hann/hana síðast ef hann/hún vill tala við mig.

2002-12-29T14:30:00.000-08:00

Wassabí

Jæja eins og ég lofaði er ég búinn að senda síðuna mína í breytt útlit og er það mál manna að það hafi tekist alveg ótrúlega vel upp og það er að sjálfsögðu engum örðum að þakka en mér og minni snilli. NOT. Það er nú bara þannig að ég fékk hana elsku Bylgju mína til að hjálpa mér við þetta og ég verð nú bara að segja þó erfitt sé, að hún er nú snjallari en hún lítur út fyrir að vera :) Nei bara smá grín hún er snjöll og er afar hjálpsamur einstaklingur. Jæja best að hætta þessu áður en allir fara nú að æla yfir væmni og drullu. Allavega Bylgja mín stórt takk og hún fær 5 bylgjur af 5 mögulegum :)
Ætli ég láti þetta ekki duga í bili og segi einhverjar sögur bara á morgun eða hinn !

Þetta er Hjálmar Jónsson í Madríd nei ég meina á Egilsstöðum !!

2002-12-23T09:19:00.000-08:00

Halló Halló

Bráðum koma blessuð jólin börnin fara að hlakka til. Þetta var nú lag sem heyrðist mikið á mínum yngri árum en ég ég minnist þess ekki að hafa heyrt þetta einu sinni eftir að ég kom heim. Það er náttúrulega hneyskli að þetta lag sé ekki spilað meira en til dæmis lagið Allt sem ég sé með Írafár því nú eru jól og þá eiga jólalögin náttúrulega að vera spiluð. Þetta gengur náttúrulega ekki lengur !! Annars eru nú jólin á morgun eins og flestir vita vonandi og ég er farinn að hlakka til soldið það er ekki hægt að neita því. Allur maturinn og kökurnar og bara að slappa af það er bara mjög gott mál. Ég er að sjálfsögðu staddur í mínum heimabæ og ætla að eyða þar jólum og áramótum í faðmi fjölskyldunnar og hitta gamla vini og félaga. Bærinn er svona passlega mikið skreyttur ekki of mikið og ekki of lítið bara nokkuð vel gert en eitt er víst að maður saknar nú þess að hafa ekki snjóinn. Annars er ég frekar seinn í jólaskapið en það er allt að koma. Því til stuðnings má því segja að ég fer með jólakortin út á aðfangadag og ég þoli ekki þegar byrjað er að spila jólalög í október nei ég segi nú bara svona frekar nóvember !!
Ég verð hins vegar að lýsa furðu minni á einu og það er veðurfarið. Á þessum tíma fyrir ekki meira en svona 5-6 árum síðan var allt á kafi í snjó og maður þurfti hreinlega að moka sig útúr húsinu og halda sér í ljósastaura svo maður fyki bara ekki og endaði flatur á skólaveggnum eða ég veit bara ekki hvað. Núna hins vegar brugðum við okkur félagarnir Ég og Jónas út að hlaupa uppi á iðagrænum "Villa Park" í svona 5-6 stiga hita og smá gusti. Já ég segi það og skrifa það 23 desember út að hlaupa næstum því berir að ofan og neðan því við erum svo miklir naglar héldum við þangað til aðalnaglinn hann Árni Óla þusti inn á völlinn og sagði við okkur um leið og hann geystist framhjá: "Jah jah jah tussubolti". Nei nei þetta sagði hann ekki heldur hljóp bara með okkur undir báðum höndunum nei nú er ég að ýkja aftur, hann hljóp bara með okkur kallinn.
Annars er bara lítið að frétta bara búið að vera sallarólegt og gott.
Ég óska ykkur öllum lesendum góðum til sjávar og sveita gleðilegra jóla og farsældar á komandi ári og látið ykkur líða vel um jólin.

Jólakveðja Hjálmar Jónsson

2002-12-12T13:20:00.000-08:00

Tjena Tjena

Jæja kominn tími á það að fara skrifa eitthvað rúgl hérna á þessa síðu mína. Það hefur satt að segja ekki mikið gerst í mínu annars viðburðamikla lífi undanfarna daga en það sem helst má nefna er æfingar, horfa á sjónvarp, borða, skíta, pissa og bara það sem maður þarf að gera. Jáhh heldur betur athyglisvert þetta en það eina sem ég hef gert að viti er að ég skipti yfir á nagladekkin í dag og það er gott að vera búinn að því því það er svo kalt hérna. Það er nú annað en heima þar sem þeir allra hörðustu sjást í stuttbuxum í vinnunni með sígó og hallandi sér upp að skóflunni alveg að sofna. Það er víst hitabylgja á Íslandi og hefur ekki verið svona heitt þar síðan elstu menn muna allavega man ég ekki mikið !!
Já alveg rétt hann Gummó vinur minn er byrjaður að blogga fyrir þá sem ekki vissu og þar fer hann nú fögrum orðum um mig eins og venjulega og segir orðrétt:
"Það er annað en hann Hjálmar vinur minn í Sverge sem veit lítið sem ekkert í sinn haus og nennir lítið að sinna sínu bloggi:) Hann nennir bara lítið að sinna öllu, nema að taka í helvítis vörina en það er ógeðslegt!! "

Þetta er að vísu allt rétt hjá honum nema það að ég viti ekkert í minn haus það er nú ekki rétt hjá honum. Það var allavega ekki ég sem hennti 1,37 kg lóði í hausinn á Rabba sem var mjög fyndið en það fyndna við þetta var það að lóðið leit út eins og Thule í dós :)
Gummó er einnig að leita að nýjum gömlum gítar sem má eyðileggja í partý kl 14:00 á Laugardegi þar sem aðalefnið var enski boltinn !
Allavega þá má sjá mesta bull í heiminum fyrir utan þetta hér: www.dullarinn.blogspot.com

Annars er ég á leiðinni aftur heim og það verður nú fínt eins og alltaf. Á sunnudaginn stíg ég fæti mínum á þetta sker eins og einhver sveitalubbinn orðaði það hér. Tilgangur heimsóknar minnar er að sjálfsögðu hið langþráða jólafrí og auðvitað æfa eins og brjálaður maður.

Jæja nú nenni ég ekki að bulla meira hérna og bið því að heilsa í bili og Gummó á bekkinn með þig og haltu kjafti !!

Þangað til næst hej do

2002-12-09T12:52:00.000-08:00

Tjena Tjena

Jæja helgin var fín hjá mér bara. Á föstudagskvöldið fórum við nokkrir úr liðinu á jólahlaðborð hjá stuðningsmannaklúbbnum eins og ég sagði frá síðast. Það var mjög mikið af mat og þetta var aldeilis fínt hjá þeim. Þeir voru líka duglegir að vatna okkur og það var bara ágætt hjá þeim. Við fórum svo út á eftir og það var aldeilis fínt líka.
Á laugardaginn var mér svo boðið í innflutningspartý hjá Íslendingum sem eru hérna að læra og það var soldið skrýtið þar sem það voru mjög margir Svíar þarna sem ég þekkti ekki rassgat en þeir voru nú sumir aldeilis ekki feimnir og ég hélt að einn ætlaði bara að tala þarna allt kvöldið. Hann var orðinn soldið fullur og ég missti það út úr mér einu sinni þannig að hann heyrði það óvart og hann var nú sennilega ekki sáttur við það en ég gaf honum augnaráðið mitt nei ég gaf honum "mjólk" og þá var hann nú heldur betur sáttur. Þessi gaur talaði ekki annað en um stjórnmál og kerfið í Svíþjóð þannig að ég hélt að ég myndi bara sofna á endanum. Þetta var bara byrjað að hljóma eins og suð í hausnum á mér og ég hélt að ég myndi sturlast og berja gaurinn í spað og ég veit bara ekki hvað. En nei ég lét mig hafa þetta því ég er svo þolinmóður !! :) Annars var þetta fínasta geim eins og stundum er sagt og fínt að hitta svona "öðruvísi" fólk :)

Í dag gerði ég eitt sem stendur eftir í minningunni lengi lengi. Við fórum nokkrir í liðinu í heimsókn á barnadeild á sjúkrahúsi hérna í Gautaborg. Við fórum á nokkrar deildir hérna þar sem börn frá 16 ára og allt niður í ungabörn voru stödd. Við heimsóttum börn sem voru í meðferð vegna krabbameins, hjartaveik börn, og börn sem voru mikið veik og færðum þeim gjafir eins og bolta, boli og að sjálfsögðu nammi :) Þegar maður sér hvað sumir eiga erfitt fer maður að hugsa hvað maður er nú heppinn að vera heilbrigður og tala nú ekki um það að geta spilað fótbolta. Það er eitthvað sem þessir krakkar eiga aldrei eftir að getað gert. Ég er kannski eitthvað væminn en þið hefðuð átt að sjá hvað krakkarnir urðu ánægðir að fá þetta þrátt fyrir að vita ekki meira en það að við komum frá fótboltaliðinu IFK Göteborg. Skiptir ekki máli hvað maður heitir eða hver maður er, þá var þetta frábær tilfinning að geta glatt þessi veiku börn með gjöfum. Maður finnur til með þeim og vonar að þeim batni og eigi eftir að lifa vel.

Þangað til næst

Hej da

2002-12-05T11:44:00.000-08:00

Tjena Tjena

Þetta þýðir blessaður á sænsku svona slangur skiljiði !!

Já það er nú bara snjór og vitleysa hérna úti á meðan það geisar þetta vitlausa veður á skerinu sem veiðir bara fisk og drekkur brennivín. Þetta er það eina sem félagar mínir segja í liðinu til að vera fyndnir og ég er að verða solið þreyttur á þessu kjaftæði. Jú svo segja þeir alltaf "Þurfið þið ekki að passa ykkur á ísbjörnunum þegar þið farið út" hahahahha þeir eru nú að reyna að vera fyndnir og þeir mega svo sem reyna það áfram því þetta eru fínustu peyjar eins og Kjartan Másson myndi orða það.
Það er nú svo sem ekki mikið að frétta héðan úr Göteborg. Við erum byrjaðir að æfa aftur og ég hef nú bara haldið mig í gyminu þar sem ég er að hlaupa og lyfta en ég fæ nú kannski að koma eitthvað við bolta í næstu viku það verður nú næstum himnaríki !!
Á morgun erum við nokkrir úr liðinu að fara í jólahlaðborð hjá stuðningsmannaklúbbnum þar sem við verðum sjálfsagt helltir fullir en maður tekur þetta bara rólega held ég :) Það verður nú gaman að fá eitthvað gott að borða og spjalla við blindfulla stuðningsmenn okkar og lofa öllu fögru.

Bið að heilsa að sinni !

Hej da

2002-12-03T13:46:00.000-08:00

Halló Halló allesammen !!

Jæja þá er ég kominn aftur út til Svíþjóðar og mun ég dvelja þar í 12 daga og æfa eins og brjálaður maður í þann tíma og svo fæ ég nú að koma í jólafrí. Íslandsheimsóknin var endurnærandi á allan hátt og fór ég á heimaslóðirnar þ.e. Egilsstaðir City og þar er nú alltaf gaman. Það var alveg magnað að fá að éta almennilega hjá mömmu og bara slappa af og hafa gaman.
Ég veit nú ekki alveg hvað ég á að segja meira um þessa heimsókn en ég gat skemmt mér bara nokkuð vel og að mínu mati er bara langskemmtilegast að skemmta sér með vinum sínum og fíflast með þeim. Reykjavík slær margt út í skemmtanalífinu og það er bara magnað að fara og skemmta sér þar. Einn staður veldur mér þo vonbrigðum miklum í Keflavík og heitir hann Casino. Þetta er bara ömurlegur staður og ég fer held ég ekki aftur þarna inn nema að ég sé ekki með meðvitund !!!
Það eru engar sögur en það hlýtur nú eitthvað að gerast hér á þessum stutta tíma sem ég verð hér fram að jólafríi þannig að ég verð duglegur að skrifa á meðan ég verð hérna úti. Ég nennti bara ekki að vera blogga þegar ég var heima því ég var bara að slappa af og hafa gaman. Ég gat heimsótt eða næstum því alla sem ég ætlaði mér þannig að þeir sem ég ekki náði að hitta verð ég að kíkja á í jólafríinu.

Þessa stundina er ég að horfa á síðasta þáttinn af Bachelor og er ég get sagt það að ég hafi orðið fyrir miklum vonbrigðum með valið hjá þessum manni. En svona er það nú bara en ég hefði valið hana Tristu og vona ég að ég hitti hana einhvern tíma nei ég segi nú bara svona en hún er flott og kúl. Ég skil kvenfólk samt ekkert meir eftir að hafa horft á þessa þætti frekar en ég skil ekki neitt í sjálfum mér !!!!

Þangað til næst hej do

P.s þetta með að gera þessa síðu eitthvað betri verður ekki gert neitt í fyrr en um jólin :)

2002-11-12T13:22:00.000-08:00

Smá tæknileg mistök í gangi en þið verðið bara spóla yfir síðustu fréttir eða lesa þær þrisvar það er nú gaman !:)

2002-11-12T13:18:00.001-08:00

Halló

Jæja þá er þetta búið í boltanum þetta árið eftir vægast sagt mikið drama og erfiðleika. Við sem sagt kláruðum þetta á sunnudaginn og um kvöldið var haldin "smá" veisla fyrir það að við kláruðum þetta. Það er löngu vitað að íslendingar kunna sér ekki hóf í drykkjunni en það er líka hægt að segja þetta um svíana. Það voru nokkrir sem voru bara á rassgatinu hreint út sagt. Þetta var á sunnudegi sem sagt og kannski ekki neitt ógurlega mikið að gerast í bænum en við sáum um að hafa smá gaman niðri í bæ. Allir biðu eftir að Íslendingurinn myndi gera sig að fífli og verða jafn fullur og hann var í innvígslunni á Kýpur þar sem ég man ekki neitt eftir helmingnum af kvöldinu og endaði steindauður einhversstaðar baksviðs held ég. Það er ennþá verið að tala um þetta hérna. Allavega gat ég ekki tekið mikið þátt í gleðinni því ég átti að mæta í aðgerð kl 7 um morgunin og fór því heim nokkuð snemma en ég lét áfengið þó ekki alveg í friði en gætti hófs og kláraði það af stakri snilld. Sem sagt aðgerð í gærmorgun sem gekk bara vel og maður haltrar um nú og það er gaman NOT.
Er svo á leiðinni heim á föstudaginn og ætla að skemmta mér eitthvað um helgina þar sem ég gat ekki gert það almennilega hér og vona að það verði gaman. Einnig ætla ég að skella mér heimaslóðir þ.e. Egilsstaði og hafa það gott og hitta þá sem enn eru eftir þar.
Þannig að takiði fram kökur og "mjólkina" að sjálfsögðu !!!

Hér í Svergie er nú verið að sýna hinn ótrúlega skemmtilega þátt Bachelor sem er held ég búið að sýna heima. Ég viðurkenni það að ég horfi á þennan þátt í þeim tilgangi að reyna að sjá og skilja hvernig stelpur hugsa en þetta er mest fucked up þáttur sem ég hef á ævi minni séð og þá er meðtaldur hinn geysivinsæli þáttur Maður er nefndur sem hlýtur að vera einn mest umtalaði þáttur á þessari öld fyrir það að vera hreint og beint leiðinlegur. En allavega er gott fyrir karlmenn að horfa á þennan þátt til að skilja kvenmanninn en ég skil bara ekki hvernig ein konan í þessum þætti gat bara fengið panik kast eftir að hún var ekki valinn. Ég meina hún var ekki búinn að fara með manninum á deit einsömul heldur var aðeins búinn að umgangast hann eitthvað aðeins og hún bara missti sig og gat ekki andað. Kannski var hún svona yfir sig hrifin af honum en þetta var nú einum of því allar þær sem ekki fengu rós tóku þessu af stóískri ró miðað við þessa sem missti sig.
Þeir eða þær sem hafa séð þennan þátt og eru ósammála mér í þessu mega gjarnan hafa samband við mig og reyna útskýra fyrir mér af hverju maður lætur svona eða er ég bara algjörlega tilfinningalaus skíthæll það væri gaman að vita. E-mail: hjallijons@hotmail.com

Þangað til næst hej do og sjáumst bara mjög fljótlega

2002-11-12T13:18:00.000-08:00

2002-10-30T12:31:00.000-08:00

Halló !!!

Jæja það eru búinir að vera nokkuð viðburðarríkir dagar síðan ég skrifaði síðast. Á laugardaginn síðasta fór ég í bíó með íslenskum félaga mínum hérna úti og við fórum á einhvern kínverskan stað á undan og fengum okkur að borða áður. Það var einhver vinahópur þarna sem var eitthvað að djamma og fá sér að éta. Einn úr hópnum ætlaði að fara að panta sér eitthvað og kallaði á þjóninn og sagði:"Hey fuckface come here" ég held að þjóninn hafi ekki heyrt þetta eða ekki viljað heyra þetta en allir aðrir heyrðu þetta inni á veitingastaðnum. Þetta var soldið fyndið en ef ég hefði verið þjóninn hefði ég vísað honum út sagt upp starfinu og farið út á eftir honum og barið hann í sushi. Við fórum svo á myndina The Bourne Identedy og hún var nokkuð góð bara. Það er samt búið að gera svona mynd áður og maður hefur svo sem séð þetta allt áður en þetta var eins og ég sagði bara nokkuð góð mynd.
Hún fær 3 fuckface af 5 fuckfaceum.

Á Sunnudaginn var svo haldið til Stokkhólms þar sem við áttum leik á móti Hammarby í sannkölluðum baráttuleik. Þeir sem hafa verið að fylgjast með hafa eflaust séð það út að við þurftum að vinna þennan leik til að falla hreinlega ekki bara þrátt fyrir að einn leikur sé eftir. Ég var búinn að æfa í síðustu viku með herkjum vegna meiðslanna og þjálfarinn vildi hafa mig með í þessa för. Þetta var sannkallað ævintýri og þetta er með því ótrúlegra sem ég hef upplifað. Liðið okkar var meiðslum hrjáð og nokkrir af fastamönnum voru frá vegna meiðsla og einn var í banni. Við unnum leikinn 0-1 og við skoruðum á 86 mínútu og það var frábær tilfinning ! Ég spilaði allan leikinn og þá halda kannski einhverjir að ég hafi ekki verið meiddur en það var ekki þannig. Ég var sprautaður fyrir leikinn í hnéð (deyfing) þannig að ég gæti spilað leikinn án þess að finna fyrir verk. Mér gekk vel þó svo ég hafi lítið verið að æfa að undanförnu og ekki spilað í um einn mánuð. Annað var svo merkilegt við þetta að strákur í liðinu sem hefur átt í vandræðum með hjartað og púlsinn á sér og hefur verið nánast frá í tvo mánuði byrjaði leikinn vegna þess að einn var meiddur en hitaði upp en eftir það kom í ljós að hann gat ekki spilað. Þannig að hann spilaði og stóð sig eins og hetja og ég tek hattinn ofan fyrir honum. Önnur úrslit urðu okkur svo hagstæð þannig að við þurfum að vinna síðasta leikinn á móti neðsta liðinu sem er þegar fallið, þá sleppum við allt saman. Það er sem sagt einn leikur eftir og eins og ég sagði einhvern tíma um daginn þá er þetta ekki búið fyrr en feita konan syngur. Vonandi syngur þá einhver feit kona með okkur á Laugardaginn þegar við spilum síðasta leikinn á tímabilinu á heimavelli og sennilega þann mikilvægasta í nokkuð mörg ár.

Hvað mig varðar er ég ekki bjartsýnn á að spila þennan leik því miður vegna þess að ég hef varla getað hreyft á mér hnéð síðan á mánudaginn en þetta er allt að koma. Þetta var þess virði og ég sé ekki eftir þessu núna en ef við föllum þá kannski sé ég eftir að hafa gert þá er þetta einskins vert það er nú bara þannig. Síðustu tveir dagar hafa sem sagt verið rólegir og ég skrölti um á annari löppinni en þetta lagast.

Nú býður maður bara eftir Laugardeginum og þá stöndum við uppi sem "sigurvegar". Blöðin hérna úti og allir voru búnir að afskrifa okkur en allt í einu vissu þeir varla hvað þeir áttu að skrifa. Við skulum bara troða þessu ofan í kokið á þeim sem voru búnir að afskrifa okkur.
OG HALDIÐI SÍÐAN BARA KJAFTI eins og var sagt í fóstbræðrum hérna um árið.

Þangað til næst hej do !

2002-10-25T07:35:00.000-07:00

alló alló eins og það hljómar hjá Svíunum. En eins og þið öll vitið var það nú alveg stórskemmtilegur gamanþáttur úr seinni heimstyrjöldinni held ég.

Þetta var nú bara smá útúr dúr og veit ég ekki alveg í andskotanum af hverju ég var að segja ykkur þetta. En svona er maður nú bara ruglaður og vitlaus hahhahahha. Netið hjá mér hefur ekki verið í vatninu eða ánni heldur á þurru landi og er það þess vegna sem ég hef ekkert getað skrifað inn á þessa stórskemmtilegu heimasíðu. Ég hef setið hér sveittur síðustu daga við að bæta í götin á netinu og það hefur loksins tekist með miklum sóma. Satt best að segja veit ég ekki hvað í andskotanum ég gerði því þetta var allt í einu bara komið í lag. Ótrúlegt.

Það hefur ekki mikið gerst í mínu stórskemmtilega lífi annars síðustu daga þannig að þetta var svo sem engin stórhætta á ferðum. Í gær fór ég general prufu myndarinnar Þrefalds x eða Triple X og þetta er svo sem hin besta skemmtun með öllu tilheyrandi, tjellingum, búsi, stunti, snjóflóðum, fallhlífastökki, byssum og you name it bara. Sérstaklega gaman var þó hversu ótrúleg sum atriðin voru og þá er ég ekki að tala um að menn geti bara stokkið á mótorhjóli 500 metra upp í loftið og bara allt í lagi eftir með mann því það er hægt yeah right. Vin Diesel leikur þarna nokkurs konar Bond og bjargar að sjálfsögðu heiminum með tilheyrandi látum og er bara nokkuð kúl í þessari mynd. Hann fær fjórar hráolíur af fimm mögulegum og myndin fær sem sagt þrjú x af fimm mögulegum :)

Við hérna í liðinu erum ekki í góðum málum og erum við komnir með annan fótinn úr deildinni en það eru tveir leikir eftir og þetta er ekki búið fyrir en feita konan syngur og mér er sama hvort hún getur sungið eða ekki því við ætlum okkur að greja þetta í þeim leikjum sem eru eftir. Hnéð á mér er ekki í lagi en ég get æft svona þokkalega af krafti og ef ég spila í næstu verður um deyfingu að ræða fyrir leikinn og svo er bara að keyra á þetta. Næsti leikur getur sem sagt skorið úr um hvort við föllum eða ekki. Við förum til Stokkhólms og spilum á móti Hammarby og verður það bara blóð, sviti og tár sem gilda og ég ætla mér að hjálpa til í þeim slag.(ef ég fæ að spila sem ég tel þó nokkuð líklegt, vonandi)

Annars hefur eiginlega ekkert drifið á daga mína hérna úti sem merkilegt er að segja frá þannig að ég segi bara hafi þið það gott hvar sem þið eruð stödd og látið ykkur líða vel.

Þangað til næst hej do

2002-10-18T11:55:00.000-07:00

Jæja í dag er bara orðið svo kallt að það er ekki fyndið. Það var frí á æfingu í dag og það er gott fyrir hnéð og ég fæ smá tíma til að jafna mig á meðan. Eftir hádegið fór ég að kíkja á litla snáðann hjá Atla og Höllu og það var ótrúleg sjón því hvernig getur svona lítil manneskja verið í svona stórum heimi. Hann er bara krúttlegur og er mikið hár og er bara sætur strákur. Ég færði þeim blóm í sængurgjöf og svo skutlaði ég þeim á sjúkrahúsið þar sem hann fór í einhverja skoðun sem ungabörn þurfa að fara í. Ég og Atli fórum svo í verslunarferð dauðans niður í bæ og keyptum mat fyrir dágóða summu. Eftir að ég kom heim steinsofnaði ég upp í sófa og vissi varla hvar ég var þegar ég vaknaði. Ég eldaði mér svo mat áðan sem var kjúklingur með hrísgrjónum og mér er alltaf að fara fram í matseldinni og er bara orðinn nokkuð góður þó ég segi sjálfur frá.
Jæja þetta er orðið gott að sinni en eitt verð ég að segja ykkur að það er byrjað að snjóa hér og það er bara allt orðið hvítt og þetta er bara eins og heima :)

Þangað til næst hej do !

2002-10-18T11:48:00.000-07:00

Fimmtudagurinn 17 okt.

Í gær var farið á æfingu og ég tók þátt í boltanum og það var gaman að vera kominn aftur í hann. Hnéð hélt bara vel nánast alla æfinguna en í endann var ég farinn að finna talsvert fyrir þessu aftur en svoleiðis er það bara. Ég ætla að reyna að halda áfram eins og ég get og ætla ekki að gefast upp fyrr en þetta er orðið það slæmt að ég get ekki gegnið eftir æfingu en ég er bjartsýnn á að þetta haldi og vona bara að það geri það en ef það gerir það ekki ætla ég að láta laga þetta en vonandi heldur þetta út tímabilið.
Ekkert merkilegt gerðist meira í gær og bara slappað af.

2002-10-18T11:44:00.000-07:00

Miðvikudagurinn 16 okt.

Seinni dagurinn í ferðinni var stuttur því það var haldið heim á leið eftir hádegið en það var aftur farið í smá keppni og byrjaði það á púsli aftur og síðan áttum við að hlaupa 1,6 km á tíma í skóginum og ég hélt að ég myndi bara í alvöru deyja eftir hlaupið því ég hef lítið getað æft í 2 vikur og ég fann votta fyrir blóðbragði í kjaftinum á eftir. Hnéð virðist ætla að halda :)

2002-10-18T11:41:00.000-07:00

Þriðjudagur 15 okt.

Liðið fór þennan daginn allt saman í nokkurskonar móralsferð á eitthvað sveita og heilsusetur hérna rétt hjá til að slá saman hópinn fyrir lokaátökin í fallbaráttunni. Ekki samt miskilja mig því mórallinn er í góðu lagi hér þannig að þetta var svona til að berja okkur saman aðeins. Það var enginn fótbolti æfður í þessari ferð en við fórum í allskonar keppnir sem innihéldu þó nokkuð erfið hlaup og þrautir líka þar sem menn þurftu að nota heilann líka þannig að þetta var fínt. Þrautirnar voru nokkuð skondnar og þær fólust í því að púsla, kasta eggjum, rekja bolta, skjóta úr byssu og leysa skemmtilega þraut. Maturinn þarna var góður og við spiluðum á spil og tókum því rólega ásamt því að fara í svona mental æfingar og búa okkur undir komandi átök.

2002-10-18T11:35:00.000-07:00

Mánudagurinn 14 okt.

Ekkert mikið um þennan dag að segja en bara það að ég byrjaði að æfa aftur og var sendur út að hlaupa í skóginum til að prófa hnéð mitt og það gekk bara ágætlega og ég er nokkuð bjartsýnn bara að þetta nái að halda en það verður bara að koma betur í ljós þegar ég byrja að æfa á fullu. Jú það gerðist víst eitthvað merkilegt því Atli og Halla eignuðust lítinn strák og óska ég þeim til hamingju með það. Móður og barni heilsast vel.

2002-10-18T11:32:00.000-07:00

Sunnudagurinn 13 okt

Enn og aftur svaf ég ekki mikið og ég var því orðinn svona eins og nokkurskonar gangandi vofa. Ég átti flug klukkan fjögur og tók því bara nokkuð rólega fram að því. Að sjálfsögðu var verslað í fríhöfninni og allskonar íslenskt nammi og íslenski harðfiskurinn er einnig vinsæll hérna úti á meðal Íslendingana og talsvert magn af honum var keypt ásamt allskonar skemmtiefni í DVD græjunar mínar. Flugið út var bara fínt því ég loksins svaf eitthvað allmennilega og ég svaf bara alla leiðina til Köben. Flugið til Gautaborgar var einnig mjög gott og ég var kominn í bælið um miðnætti. Góðri Íslandsför var þar með lokið að þessu sinni og ég hlakka til að koma næst og þá verð ég nú að fara til Egilsstaða og hitta fjölskyldu mína og vini þar.

2002-10-18T11:24:00.000-07:00

Laugardagurinn 12 okt.

Upp úr hádegi var brunað í Reykjavík og tilgangurinn var að fara að HORFA en ekki SPILA á landsleikinn á móti skotum. Það var nokkuð skrýtið að vera upp í stúku en ekki vera að spila en hnéð var ekkert að hlusta á það. Ég var því nokkuð órólegur þegar þjóðsöngurinn var spilaður því það er ólýsanlegt að vera niður á vellinum þegar hann er spilaður. Leikurinn olli vonbrigðum og ég ætla ekkert að vera commenta það meira. En það kemur leikur eftir þennan leik og vonandi hjá mér líka.
Við brunuðum í Keflavík aftur og næsta verkefni var lokahóf Keflavíkur um kvöldið. Við hittumst heima hjá Hirti og Huldu og það var gaman að hitta gömlu liðsfélagana aftur. Síðan var haldið á Ránna þar sem lokahófið fór fram. Keflvíkingar voru svo almennilegir að bjóða mér á lokahófið og er ég þakklátur fyrir það. Þetta var svona bara hefðbundið með fínum mat og verðlaunaafhendingu og ég var meira segja beðinn að standa upp því formaðurinn tilkynnti fyrir salnum að ég væri mættur á svæðið og það var bara gott mál. Einnig vil ég benda á það að Haraldur stórvinur minn var valinn besti leikmaðurinn og má segja að bikarinn hafi ekki farið langt og óska ég honum til hamingju með það enn og aftur.
Eftir hófið fór ég í bæinn þar sem ég var búinn að mæla mér mót við félaga mína og gamla bekkjarfélaga sem var bara hörkuskemmtilegt að hitta aftur. Við fórum svo á eitthvað rölt í bænum og skemmtum okkur bara vel. Ég hefði nú samt viljað hafa meiri tíma til að spjalla við alla en það verður að bíða betri tíma og ég lofa að heimsækja þá sem ég ekki gat talað svo mikið við þegar ég kem í frí :)

2002-10-18T11:06:00.000-07:00

Föstudagurinn 11 okt.

Dagurinn var tekinn svona nokkuð snemma og ég tók röltið bara í Keflavík og spjallaði við fólk sem ég þekki. Spjallaði við "kallinn" og við tókum smá rúnt og fengum okkur Subway sem er ekki mikið til af hérna í Svíþjóð en er þó til. Ég fór heim til Jóa þar sem ég gisti og slappaði af þangað til hann kom heim, reyndi að sofna en það tókst ekki og ég svaf heldur ekki mikið nóttina á undan ekki veit ég af hverju. Leiðin lá svo í Hafnarfjörð til að horfa u-21 leikinn hjá Halla, Ómari og Magga og hinum strákunum. Skotarinir voru einnig mættir á svæðið í sínum skotapilsum og fóru svona þokkalega á kostum. Á leiknum hitti ég fólk sem ég þekki vel og var að spjalla við það á meðan leiknum stóð. Allir vita nú hvernig leikurinn fór og svo var bara brunað í Keflavík úr skítaveðrinu. Kvöldið var ekkert planað en við tókum nokkra öl heima hjá Einsa með úrvalsfólki og síðan lá leiðinn á Duus og þar voru skotarnir líka og voru að hella í sig. Það var nú bara svona heimilsstemmning þarna svo var bara haldið svo heim á leið. Þessa nótt svaf ég heldur ekki mikið og ég var farinn að hafa áhyggjur af þessu bara.

2002-10-18T10:23:00.000-07:00

Jæja nú er ég búinn að vera heldur betur latur en nú kemur það sem allir hafa verið að bíða eftir. Ferðasaga til Íslands og margt fleira hér á þessari óviðjafnanlegu síðu sem margir hafa lýst ánægju sinni með.

Fimmtudagur 11. okt

Já dagurinn rann upp og ég get ekki neitað því að ég var orðinn spenntur. Ég var á leiðinni heim og nú var bara að vona að flugáætlun mín stæðist en ég hef ekki verið allt of heppinn með flug á þessu ári. Ég brunaði út á flugvöll með græjurnar í botni náttúrulega, lagði bílnum á stæði sem var svona álíka langt frá flugstöðinni og labba niður í söluskála frá Sólvöllunum. Ég var á góðum tíma og var bara að bíða eftir því að tékka mig inn, þá kom rödd í hátalarakerfið sem sagði: fluginu til Stokkhólms hefur verið frestað vegna tæknilegra örðugleika og ég var að spá í að troða míkrófóninum ofan í kokið á honum og draga hann í gegnum rassgatið á honum. Þetta þýddi að ég myndi missa af tengifluginu til Íslands og þyrfti að finna aðra leið.
Það varð úr að ég var sendur í gegnum Köben en kæmist þá ekki heim fyrr um kvöldið heim. Ég fór bara strax til Köben og ákvað að bíða þar til kvöldsins. Í Köben er nú ekki mikið að gera en ég ákvað að vera jákvæður og reyna að gera eitthvað af viti þar. Ég fór bara að versla eins og brjáluð kelling og keypti mér eitt stykki jakkaföt, skyrtu, peysu og húfu. Eftir það fór ég í ljós og sturtu og hellti í mig nokkrum bjórum og má segja að tíminn hafi bara liðið hratt svona.
Flugið heim var einnig merkilegt og ég fyrir aftan mig sat maður sem var nú eitthvað búinn að fá sér áður en hann hoppaði inn í flugvélina. Þetta var svona maður sem var veraldarvanur og var búinn að búa út um allt og gera ýmislegt. Ég gat bara ekki annað en hlustað á það sem hann var að segja því mér fannst þetta bara svo fyndið. Það sat einhver kona við hliðina á honum sem hann bara lét ekki í friði og hann var bara byrjaður að reyna við hana. Ég sofnaði aðeins eftir matinn og þegar ég vaknaði aftur var hann bara orðinn draugfullur og hann var heldur betur byrjaður að færa sig upp á skaftið og tala hátt. Þegar við svo loksins lenntum var hann varla farinn að geta talað. Það lá bara við að hann ætlaði að fara upp á greyið konuna. Þetta sýnir hinn dæmigerða íslenska karlmann sem er orðinn allt of fullur og er svo obboslega glaður að koma heim að hann ræður ekkert við sig. Þess má geta að hann talaði mest Amerísku og dönsku en eitthvað heyrðist nú líka af íslenskunni.
Heim var ég kominn og félagar mínir þeir Bói og Einsi náðu í mig og tók ég því bara rólega eftir að ég kom. Þess má geta að ég var kominn heim klukkan 21.30 í stað 15.30 og svona eru bara allar flugferðir mínar, áhugaverðar og djöfulsins ruuuuuuugl.

2002-10-09T14:36:00.000-07:00

Halló öllsömul. Já í dag var farið og náð í flugmiðann til Íslands og mig hlakkar til að koma ég get ekki sagt annað. Það má segja að dagurinn í dag hafi farið í að skoða borgina í einum lengsta bílasölurúnti sem um getur í sögunni. Það var nú þannig að félaga mínum hér vantar bíl og það var ákveðið að fara og kíkja á sölurnar og reyna að finna eitthvað bitastætt. Við fórum á nokkrar sölur og sáum fullt af bílum og tókum fullt af vitlausum beygjum og fórum eitthvað út fyrir borgarmörkin í leit að hinum eina sanna. Við vorum fimm í þessum leiðangri og var þetta hin mesta skemmtun og sá ég margt sem ég hef ekki séð fyrr. Það er til dæmis kastali hérna sem ég vissi ekki rassgat um og einnig sáum við hina geysifrægu kex verksmiðju Göteborgs Kex sem meðal annars framleiðir Ballerina kexið sem allir ættu nú að kannast við. Ég er þakklátur fyrir að hafa farið þennan rúnt um borgina og er miklu fróðari fyrir vikið. Það sem hafðist upp úr þessu er mikil þekking á borginni og nágrenni hennar en því miður fundum við ekki hinn eina rétta bíl. Það var allavega enginn bíll keyptur.

Ég er ekki alveg viss um að ég nenni að skrifa nokkuð þegar ég er heima en það verður þá bara að bíða þangað til ég kem aftur hingað. Það verður þá bara eins konar dagbók um ferðina til Íslands.

Vonast til að hitta sem flesta og ég verð með íslenska símanúmerið ef þið viljið heyra í mér á meðan dvöl minni stendur á Íslandi.

Hlakka til að sjá ykkur allavega

Þangað til næst hej do

2002-10-08T12:07:00.000-07:00

Já já það er kominn nýr dagur og það fyrir löngu síðan bara. Það er nú ekki mikið búið að gera í dag. Eftir æfingu sem fram fór í lyftingasalnum á þrekhjóli dauðans og nokkrar vel útfærðar lyftur til að bæta strandlúkkið var hugað að flugmiðum til Íslands og það varð úr að ég kem á fimmtudaginn heim og það eru nú ekki margir tímar í það. Hnéð á mér er aumt eftir sprautuna í gær og þess vegna er maður inn í þessum skemmtilega lyftingasal. Það var einnig farið í tvattstugan og þvegið fötin þannig að maður gerði allavega eitthvað af viti í dag.

Nú kemur önnur stutt frásögn af vandamálum mínum við að leggja bílnum hérna. Einn morgunin þegar ég var á leið á æfingu var gulur miði á framrúðunni þar sem bíllinn minn stóð á bara þessum fína stað fyrir utan villuna mína. Á miðanum stóð "Gult kort" sem þýðir bara nákvæmlega ekkert annað en gult kort. Þá fór ég að spá hvort ég hefði brotið eitthvað af mér í einhverjum leiknum og dómarinn gleymt að gefa mér gula spjaldið en svo komið heim til mín og sett það á bílinn minn. Svo var nú ekki raunin heldur var verið að setja út á það hvernig ég lagði. Til útskýringar stóð að ég hefði ekki lagt helt korrekt og ef þetta kæmi fyrir aftur þá fengi ég að sjálfsögðu rautt spjald næst því tvö gul gera eitt rautt. Þetta myndi þýða að bíllinn minn færi í eins leiks bann og fengi 7000 íslenskar krónur í sekt. Málið er að ég gat ekki séð neitt athugavert við það hvernig ég hafði lagt bílnum og er farinn að halda að stöðumælaverðir borgarinnar hafi ákveðið að leggja íslendinginn í einelti og ég sé ekki annars kostar völ en að taka bara bílinn með mér inn í íbúð og leggja honum þar.

Einnig vil ég breyta einkunargjöf minni á Moby tónleikunum úr 5 rækjum af 5 mögulegum í 5 hvali af 5 mögulegum :)

Nú er bara að fara að baka og gera fínt og taka fram alla "mjólkina" á heimilum ykkar og vona að ég droppi inn og segi fleiri sögur af hinu stórskrítna lífi hér í borg þegar ég kem heim á fimmtudaginn.

2002-10-07T12:55:00.000-07:00

Jæja komiði sæl aftur það hefur nú ekki gerst neitt merkilegt í mínu lífi þennan daginn. Það var farið á æfingu og það var fínt allavega. Við erum komnir í alvarleg mál eftir leik kvöldsins því við töpuðum fyrir Helsingborg í einum leiðinlegasta leik sem ég hef séð á þessu tímabili. Það leit allt út fyrir að leikurinn myndi fara jafntefli 0-0 en þeir skoruðu reyndar gullfallegt mark þegar við settum fleiri menn í sóknina. Við erum ekkert í góðum málum og við getum ekki treyst á neina aðra en okkur sjálfa.
Það er bara að fara í lopabrækurnar og setja á sig sverðið og upp með víkingahjálminn og berjast eins og Grettir hin frægi.

Eftir leikinn fór ég og fékk ég sprautu í hnéð og það er síðasta tilraunin til að fá mig góðan af þessum meiðslum. Ef ekki þá bíður önnur aðgerðin á þessu ári og það er ekki beint það sem maður ætlaði sér þegar maður kom hingað. Það er bara að vona að þetta virki núna og íslands heimsóknin virki vel á hnéð og ég geti klárað þetta tímabil.

Ég vil einnig hrósa hetjunni í Bandaríkjunum sem skorar og skorar og er að standa sig vel.

Frænka mín hún Hafdís er vildi einnig að ég myndi minnast á hana hér og hér með er það gert. Hún er einnig í America að læra og skemmta sér vel vonandi.

Þangað til næst hej do

2002-10-06T14:49:00.000-07:00

Jæja komiði öll sömun blessuð og sæl. Það er nú aldeilis margt um að vera í mínu lífi þessa dagana. Það verður því miður engin saga af ferð minni niður í bæ þar sem ég fór ekki !! Ég var að bíða eftir samtali og komst því ekki út. En þá fara kannski margir að hugsa "Af hverju tók hann bara ekki með sér gsm síman döööö" það er út af því að ég á steiktasta síma sem framleiddur hefur verið af Nokia fyrirtækinu. Þegar er hringt í mig þá slökknar bara á honum eftir 5 sekúndur sem er að verða soldið pirrandi. Þannig að bæjarferð verður farin seinna þegar enginn ætlar að ná í mig !!

Já alveg rétt ég fór í matarboðið í gær og það var hörkufínt bara, góður matur, gott fólk og bara. Það tókst meira að segja að tala örlítið um fótbolta og stóð það fram úr björtustu vonum.

Nú koma hins vegar slæmar fréttir því að í dag varð það ljóst að uppáhalds knatspyrnumaðurinn ykkar kemur ekki til að spila með landsliðinu í næstu tveimur leikjum sem framundan eru vegna hnémeiðsla ""$$##$#""!"! Þessi meiðsl eru búin að vera að plaga mig í næstum tvær vikur og ég get ekki lýst vonbrigðum mínum hér en þið getið spurt mig seinna á einhverju fylleríinu en ég fer þá sennilega bara að grenja þannig að verið ekkert að spyrja mig að þessu. Ekki er vitað með framhaldið að svo stöddu en læt ég ykkur fylgjast með þessu öllu saman. Enn eitt er víst að meiðsli eru víst partur af fótboltanum og hef ég ekki farið varhluta af því. Nóg um þetta.

Góðu fréttirnar eru hins vegar þær að ég kem til með að heimsækja frónið um næstu helgi til að hitta félaga mína og helst sem flesta bara. Vonandi verður "mjólk" á boðstólum hvar sem ég kem !

Ég var hins vegar að koma heim af tónleikum með MOBY og ég ætla ekki að segja neitt meira en það að það var bara GEGGJAÐ. Hann tók öll bestu löin sín og var magnaður. Hann gerðist einnig svo djarfur að taka Creep með Radiohead og gerði það bara nokkuð vel. Eitt skemmdi hins vegar fyrir og það var bandið sem var að hita upp og heitir því undarlega nafni RÖYKSOPP sem kemur frá Noregi held ég og ég myndi þýða sem Rækjusúpa. Þvílíki hávaðinn maður af einhverri tölvutónlist sem ég bara nennti ekki að hlusta á og fór út með félaga mínum og biðum eftir að Moby byrjaði. Rækjusúpa fær enga rækju frá mér í gagnrýni minni hér. Moby hins vegar fær 5 rækjur af 5 mögulegum.

Þangað til næst hej do

2002-10-05T02:20:00.000-07:00

Jæja það er kominn nýr dagur og ekki veit ég hvað ég geri í dag ekkert frekar en fyrri daginn. Það er frí á æfingu og þá er ekkert annað að gera en að taka því bara rólega. Kannski að maður kíki nú bara niður í bæ og geri eitthvað sniðugt eins og að eyða peningum. Maður kíkir þá eins og venjulega í verslunarmiðstöð þeirra Göteborgara sem er eins konar kringla hérna en heitir bara Norðurstaðurinn á slæmri íslensku eða "fimman" eins og þeir segja það. Maður fer þá kannski bara á kostum og kaupir sér bara föt og allskonar rugl.

Í gær frétti ég að þrír strákar hefðu farið í djúpa laug nokkra og þeir hafa nú örugglega staðið sig ágætlega ef ég þekki þá rétt.

Ég kem kannski með lýsingu á hættuför minni niður í bæ seinna í dag og segi frá hverjir voru hvar og hverjir voru að gera hvað. (eins og ég þekki bara alla hér í bænum!!) Þá fer ég að sjálfsögðu á bílnum sem getur ekki beygt og það er ekkert grín að keyra á honum niðri í bæ en sveitamaðurinn ætti nú að leysa það að stakri snilld. Þessi bíll er hin mesta snilld annars og heitir hann Volvo S80 og er hinn mesti dreki en ég er mjög sáttur við hann. Það er samt spurning hvort ég verð ekki grýttur því bíllinn er merktur í bak og fyrir liðinu sem ég spila með og okkur gengur nú ekki alveg nógu vel !! En þá ríf ég bara kjaft við þetta fólk og hóta að lemja það eins og sannur Íslendingur gerir nú. Eða segi bara við það Va fan gör du drenguuuuur !!!

Annars er kvöldið planað því það er matarboð hjá "Íslendingaklúbbnum" en það eru nokkrir námsmenn og við fótboltavitleysingarnir sem hittumst og borðum saman. Það er samt ekki hægt að neita því að maður gæti nú farið í kerfi þarna því það er eiginlega ekkert talað um fótbolta þarna og þá verður maður að setja upp menntalúkkið og kinka kolli og koma með speki. Annars getur maður bara farið heim strax eftir matinn. Nei ég er að grínast þetta er algjör snilld og gaman að hitta allt þetta frábæra fólk !!

Þangað til næst hej do

2002-10-04T15:10:00.000-07:00

Já já þetta er að virka djöfull er maður seigur. Hann getur þetta strákurinn !! Nú er bara að gera þetta almennilega og setja inn einhverja linka og soleiðis þannig að þið þurfið ekki að lesa bara bullið sem ég er að skrifa.
Ég ætla hins vegar að deila með ykkur fáranleika hina sænska kerfis í einni stuttri frásögn. Það er nú þannig að ég bý í borg sem er næstum því tvöfalt stærri en allt Ísland(guð blessi Ísland samt) og það er ekki það léttasta í öllum heiminum að finna bílastæði hér í borg. Þannig var það að ég fór á leik með félaga mínum Atla sem var að spila og ég fann ekki bílastæði nálægt vellinum og þurfti því að leggja aðeins frá vellinum. Maður þarf nú að borga fyrir að leggja bílnum alltsstaðar hérna og ég borgaði í stöðumlæli pæliði í því stöðumæli. Það voru nú engir stöðumælar á Egilsstöðum og það er nú stærri borg en Gautaborg !!! Þar má maður nú bara leggja næstum því hvar sem er og ekki skiptir hvort bíllinn er á hvolfi eða hálfskakkur inn í næsta garði !! En allavega þegar ég kom aftur eftir leikinn þá var miði á framrúðunni og öskraði ég bara á íslensku þegar ég sá hvað á honum stóð(maður sem átti leið hjá hrökk alveg rosalega við og hélt að ég væri hryðjuverkamaður frá Afganistan). Maður fær sona miða úr stöðumælinum og á að setja hann í framrúðuna og það gerði ég en það var greinilega ekki nóg því á sektinni stóð:"Það sást bara í hálfan miðan í framrúðunni." Þetta þýddi að ég varð að borga heilar 5000 þúsund íslenskar krónur fyrir það að helvítis stöðumælavörðurinn væri blindur eða blindfullur því hann hefur greinilega ekki séð miðann. Það þýðir náttúrulega ekkert að deila við dómarann í þessum málum frekar en öðrum og ég sá þarna eftir nokkrum seðlum. Ég sagði ykkur að þetta yrði stutt frásögn en allavega svona er að vera sveitamaður frá Sólvöllum í stórborginni. Maður fær hreinlega ekkert gefins :)

2002-10-04T14:00:00.000-07:00

Jæja ef ég er að gera eitthvað að viti þá er ég að byrja að "blogga" þessa stundina og það er bara gott mál held ég. Málið er það að ég er ekki duglegasti maður í heimi að svara e-mail póstinum sem ég fæ þannig að ég ætla bara að reyna vera duglegur að skrifa hérna inná um allt það sem gengur á í mínu ótrúlega viðburðamikla lífi !! Þið sem sendið mér e-mail er auðvitað velkomið að senda mér áfram en það er ekkert víst að ég svari ykkur !
Ég þarf náttúrulega einhvern tíma til að komast inn í þetta mál allt saman en vonandi kemur eitthvað af viti hér frá mér !
Prófum þetta núna !